• D teel saam-bi-pogsã
    Gũusg Gasgã (Zãmsgã rẽnda)—2020 | Bõn-bɩʋʋng kiuugu
    • JA Zeezi sẽn zĩe, t’a Mart ne a Maari zĩ a taoor n kelgd a sẽn zãmsd-ba. Fot-rãmba: 1. Saam-biig ne a pag sẽn tɩ kaag saam-bi-poak sẽn ka laafɩ, a zakẽ wã. 2. Saam-biig ne a pag sẽn tɩ naag saam-bi-poak ne a bi-pugl tɩ b maand zak pʋgẽ Biibl zãmsgo. 3. Saam-biig sẽn sõngd saam-bi-pogs a yiib n toeemd b mobillã karga.

      Wa a Zeezi, tõnd me tõe n wilgame tɩ d saam-bi-pogsã yell pak-d lame (Ges-y sull a 6-9)e

      6. Wa Luk 10:38-42 sẽn wilgdã, a Zeezi maana bõe n sõng a Mart ne a Maari?

      6 A Zeezi ra nong n bee ne pagb nins sẽn yaa wẽn-sakdbã, n da yaa b zoa hakɩɩka. Tẽeg-y yẽ ne a Maari la a Mart zoodã yelle. Tõe tɩ pʋg-kãensã ra pa kẽ kãadem ye. (Karm-y Luk 10:38-42.) Yaa vẽeneg t’a Zeezi no-goamã la a manesmã kɩtame tɩ b ra nong a zĩigẽ. Wala makre, a Maari ra nong n zĩi a Zeezi sɛɛgẽ n kelgd-a wa a karen-biiga.c Daar a ye, a Mart sũur pa yɩ noog ne a Maari sẽn bas n pa sõng-a ne rɩɩbã seglgã ye. A Mart basa a yam n togs a Zeezi sẽn da be a sũurẽ. A Zeezi tũnuga ne segb-kãng n kell n sõng pagb a yiibã, tɩ b bãng bũmb wʋsgo. A leb n tɩ kaaga pʋg-kãensã ne b tão a Lazaar sasa a taaba, tɩ wilgdẽ tɩ b yell ra pak-a lame. (Zã 12:1-3) Rẽ wã, a Lazaar yĩnsã sẽn wa n zabdẽ wã, a Maari ne a Mart ra mii vẽeneg tɩ b tõe n paama sõngr a Zeezi nengẽ.—Zã 11:3, 5.

  • D teel saam-bi-pogsã
    Gũusg Gasgã (Zãmsgã rẽnda)—2020 | Bõn-bɩʋʋng kiuugu

    • c Sebr a yembr sẽn wilgd Biiblã gom-biis võor yeela woto: “Karen-biisã ra mi n zĩi b karen-saam-dãmbã taoore. Karen-saam-dãmbã ra sõngda karen-biis nins sẽn da tʋmd ne yẽesmã, tɩ b na n lebg karen-saam-dãmba. La pag ra pa tõe n lebg karen-saamb ye. . . . Rẽ wã, zʋɩf-rãmb nins sẽn yaa rapã sũur da pa noom ne a Maari sẽn da mi n zĩ a Zeezi taoor n kelgd-a wã ye.”