B sẽn na n kʋ-a wa nin-wẽng tɩ sãam a Ba wã yʋʋrã ra pak-a-la hal wʋsgo. La a Zeova kelga a Biigã pʋʋsgã, n tʋm malɛk t’a wa keng a raoodo. A Zeezi kell n “pʋʋsa ne pãng n yɩɩd pĩnda.” A ra maanda yɩɩr wʋsgo, bala zɩɩbã sẽn da zao a zugã yaa kãsenga. Yaa a sã n sak tɩ b ka-a ra-lukã zug la yẽ mengã, n paas neb nins sẽn na n tall tẽebã na n paam vɩɩm sẽn kõn sa wã. Yɩɩrã yĩnga, a “tʋʋlgã lebga wa zɩ-pɛla, n lasd tẽnga.”—Luk 22:44.