SAK 18
D maanda wãn n bãng kiris-neb hakɩɩkã n bake?
Neb milyaar-dãmb n yet tɩ b yaa kiris-neba. La bũmb nins b sẽn tẽedã, la noy nins b sẽn tũudã pa yembr ye. Woto wã, bõe n tõe n sõng-do, tɩ d bãng kiris-neb hakɩɩkã n bake?
1. Bõe n wilgd tɩ ned yaa kiris-ned hakɩɩka?
Kiris-nebã yaa a Zeezi Kirist karen-biisi, bɩ a poorẽ dãmba. (Karm-y Tʋʋm 11:26.) Wãn to la b wilgd tɩ b yaa a Zeezi karen-biisi? Ad a Zeezi sẽn yeele: “Yãmb sã n kell n sak mam goamã, yãmb sɩd yaa mam Karen-biisi.” (Zã 8:31) Woto rat n yeelame tɩ kiris-neb hakɩɩkã segd n sak n tũu a Zeezi sẽn zãms nebã bũmb ninsã. Dẽnd wa a Zeezi sẽn da tikd a zãmsgã Wẽnnaam gomdã zugã, kiris-neb hakɩɩkã sẽn tẽed bũmb ninsã me segd tika Biiblã goamã zugu.—Karm-y Luk 24:27.
2. Wãn to la kiris-neb hakɩɩkã wilgd tɩ b nonga taaba?
A Zeezi yeela a karen-biisã yaa: “Bɩ y nong taab wa mam sẽn nong yãmbã.” (Zã 15:12) Wãn to la a Zeezi wilg t’a nonga a karen-biisã? A ra baooda sẽk n naagd-b n maand bũmb toor-toore, a kenga b raoodo, la a sõng-ba. A pʋd n kõo a vɩɩmã b yĩnga. (1 Zã 3:16) Woto me, kiris-neb hakɩɩkã pa gomd nonglmã yell bal ye. B pʋd n wilgdame tɩ b nonga taaba, ne b no-goamã la b tʋʋm-tʋmdɩ wã.
3. Tʋʋm-bʋg la kiris-neb hakɩɩkã tʋmd ne b sũur fãa?
A Zeezi kõo a karen-biisã tʋʋmde. A “tʋm-b lame tɩ b tɩ moon Wẽnnaam Rĩungã koɛɛgã.” (Luk 9:2) Pipi kiris-nebã ra pa moond koe-noogã b pʋʋsgã zĩisẽ bal ye. B ra moonda zãma zĩisẽ, la nebã zagsẽ. (Karm-y Tʋʋm 5:42; 17:17.) Rũndã-rũndã me, kiris-neb hakɩɩkã taasda nebã koɛɛg ning sẽn be Biiblã pʋgẽ wã. B moonda zĩig ning fãa neb sẽn beẽ. B sẽn nong nebã yĩnga, b rɩkda b sẽkã la b pãngã n moond koɛɛg ning sẽn be Biiblã pʋgẽ wã sẽn sõngd nebã tɩ b paamd belsgo, la b saagd manegrã.—Mark 12:31.
D BAO N BÃNG N PAASE
D ges bũmb ning sẽn kɩt tɩ kiris-neb hakɩɩkã yaa toor ne neb nins sẽn pa tũud a Zeezi zãmsgã la a mak-sõngã.
4. B baoodame n bãngd sɩdã sẽn be Biiblã pʋgẽ wã
Pipi kiris-nebã ra nanda Wẽnnaam Gomdã, b ra taasda nebã koɛɛgã, la b ra nong taaba
Neb kẽer sẽn yet tɩ b yaa kiris-neb pa tagsd tɩ tara yõod tɩ b bao n bãng sɩdã sẽn be Biiblã pʋgẽ wã ye. Ges-y VIDEO wã, tɩ rẽ poor bɩ y leok sokrã.
Bõe la egiliiz-rãmb kẽer maan-yã, sẽn na yɩl n gɩdg nebã tɩ b ra bãng bũmb nins a Zeezi sẽn zãms nebã?
A Zeezi zãmsa nebã bũmb nins sẽn be Wẽnnaam Gomdã pʋgẽ wã. Karm-y Zã 18:37, tɩ rẽ poor bɩ y leok sokrã:
Sã n yaa ne a Zeezi, wãn to la d tõe n bãng kiris-neb nins ‘sẽn yaa sɩdã rẽndã’ n bake?
5. B taasda nebã sɩdã sẽn be Biiblã pʋgẽ wã
Pipi kiris-nebã ra nanda Wẽnnaam Gomdã, b ra taasda nebã koɛɛgã, la b ra nong taaba
Nand t’a Zeezi rʋ saasẽ, a kõo a karen-biisã tʋʋmde. D ket n tʋmda tʋʋm-kãng hal ne rũndã. Karm-y Matiye 28:19, 20 la Tʋʋm 1:8, tɩ rẽ poor bɩ y leok sokrã:
B na n moona koe-noogã hal n tãag zĩ-bʋgo, la wakat bʋgo?
6. B tũuda bũmb nins b sẽn moondã
Bõe n sõng rao a ye yʋʋr sẽn boond t’a Tom t’a kɩs sɩd t’a bãnga tũudum hakɩɩkã? Ges-y VIDEO wã, tɩ rẽ poor bɩ y leok sogsgã.
Video wã pʋgẽ, bõe n kɩt t’a Tom yi n bas a tũudmã?
Bõe yĩng t’a kɩs sɩd t’a bãnga kiris-neb hakɩɩkã zĩiga?
Ned sã n yeel t’a tũuda a Zeezi, a segd n wilga rẽ ne a tʋʋm-tʋmdɩ wã. Karm-y Matiye 7:21, tɩ rẽ poor bɩ y leok sokrã:
Sã n yaa ne a Zeezi, bõe yĩng tɩ ned sã n yeel bal t’a tũuda yẽ pa seke?
7. B nonga taaba
Pipi kiris-nebã ra nanda Wẽnnaam Gomdã, b ra taasda nebã koɛɛgã, la b ra nong taaba
Rẽ yĩnga, kiris-neb n sɩd gẽneg b yõy b tẽed-n-taas yĩng bɩ? Ges-y VIDEO wã, tɩ rẽ poor bɩ y leok sogsgã.
Video wã pʋgẽ, bõe n kɩt t’a Loyid gẽneg a yõor saam-biig a Zoansõn yĩnga?
Yãmb tagsdame t’a talla kiris-ned hakɩɩk manesem bɩ?
Karm-y Zã 13:34, 35, tɩ rẽ poor bɩ y leok sogsgã:
Kiris-neb hakɩɩkã manesem yaa wãn ne buud a taaba, pa rẽ bɩ tẽns a taab neba?
Wãn to la b wilgd rẽ zabr sasa?
NEB KẼER SẼN YETE: “Kiris-nebã tũudum sẽn yaa toor-toorã, bʋg la a sõngã?”
Biiblã vɛrse-bʋg la y tõe n karem n wilg ned a sẽn tõe n maan to-to n bãng kiris-neb hakɩɩkã n bake?
KƲMSGO
Kiris-neb hakɩɩkã tũuda bũmb ning sẽn be Biiblã pʋgẽ wã, b wilgdame tɩ b nonga taab ne nonglem sẽn pa baood a meng nafre, la b taasd nebã sɩdã sẽn be Biiblã pʋgẽ wã.
Lebg-n-gese
Kiris-neb hakɩɩkã sẽn tẽed bũmb ninsã tika bõe zugu?
Bõe n sõngd tɩ d bãng kiris- neb hakɩɩkã n bake?
Tʋʋm-bʋg la kiris-neb hakɩɩkã tʋmda?
BŨMB A TAABA
Neb sull sẽn maand b sẽn tõe fãa n tũud a Zeezi mak-sõngã la a zãmsgã.
Bũmb ning sẽn sõng pag a ye sẽn da yaa masɛɛr t’a yã tũudum, t’a nebã zemsd taaba, hal n yaa wa zak a ye rãmba.
“B leoka mam sogsgã fãa ne Biiblã maasem!” (Yʋʋmd 2014 tʋʋl-nif kiuug pipi daar Gũusg Gasgã)
Kiris-neb hakɩɩkã sẽn wilgd to-to tɩ b nonga b tẽed-n-taas nins sẽn be sõngr daab pʋgẽ wã.
Pipi kiris-nebã la rũndã-rũndã kiris-neb hakɩɩkã sẽn tũud bũmb nins a Zeezi sẽn yeel tɩ na n sõngame tɩ b bãng a karen-biisã n bakã to-to.
“Bõe la d tõe n tik n bãng kiris-neb hakɩɩkã?” (Yʋʋmd 2012 sig-noy kiuug pipi daar Gũusg Gasgã)