3. Bõe n zĩnd Kanã t’a Zezi meng kẽes a toogo?

³ Sã n yaa ne Israɛll nebã, raoã sã n da peeg pagã n tɩ kẽes a roogẽ bɩ a ba wã roogẽ, yaa yikãadmã la rẽnda. Rẽ poore, b ra tõe n maana kibs yikãadmã yĩnga. Zã 2:1 yeta woto: ‘Yikãadem n zĩnd Galile Kana.’ La gɛrk gom-biig ning b sẽn lebg tɩ “yikãadem” ka wã võor meng yaa “yikãadem kibsa.”a (Matɩe 22:2-10; 25:10; Luk 14:8) Kibarã wilgda vẽeneg t’a Zezi zĩnda Zʋɩf a ye yikãadem kibsẽ, la t’a sõngame n kɩt tɩ kibsã yɩ noog n paase. La d segd n bãngame tɩ yikãadmã sẽn da maand to-to a Zezi wakatẽ wã pa wõnd sẽn maand rũndã-rũndã wã ye.