3, 4. a) Wãn to la a Zezi maan n kell n sõng sẽn sakd-b yẽ wã tɩ b bãng bũmb wʋsg Rĩungã zugu? b) Bõe yell la d na n gom sag-kãngã pʋgẽ?

³ Yɩɩ yʋng ning b sẽn yõk a Zezi wã la a togs goam nins sẽn be Zã 16:12 wã. A kũumã poore, wãn to la a ra na n maane, n kell n sõng sẽn sakd-b yẽ wã tɩ b bãng bũmb kẽer Wẽnnaam Rĩungã zugu? A yeela a tʋm-tʋmdbã woto: “Sɩd sɩɩgã . . . na yãag yãmb sɩdã fãa pʋgẽ.”a (Zã 16:13) D tõe n yeelame tɩ vʋʋsem sõngã yaa wa yãagda, sẽn maagd a yĩng n wilgd tõnd sore. Sɩd me, a Zezi sã n mik tɩ yaa tɩlae t’a nebã bãng bũmb kẽer Wẽnnaam Rĩungã zugu, a tũnugda ne vʋʋsem sõngã n sõng-b tɩ b bãng rẽ, wakat sẽn zemse.