Kiris-nebã vɩɩm la b tʋʋma tigissã na-kẽndr not-rãmbã
SIG-NOY RASEM A 7-13
D SẼN BÃNG BIIBLÃ KARENG PƲGẼ | MARK 7-8
“Rɩk f kũum ra-lukã n pʋg maam wakat fãa”
Mark 8:34, nwtsty
bɩ a kɩɩs a mengã raabo: Leb n dat n yeelame t’a “sak n bas bũmb fãa a sẽn tar sor n na n maane.” Woto wilgdame t’a soabã sakame n na n bas tɩ Wẽnnaam soog-a zãnga. Gɛrkã gom-bil ning b sẽn lebg tɩ ‘kɩɩs f meng raabã’ rat n yeelame tɩ “tõdg f mengã raabo.” Woto sɩd zemsame. Bala, wilgdame t’a soabã pa le tũud a mengã tʋlsem, a pa le maand sẽn noom-a ye. (2 Kor. 5:14, 15) A Mark sẽn gom a Pɩyɛɛr sẽn kɩɩs t’a pa mi a Zeezi wã, a pʋda gɛrk gom-bi-kãngã.—Mark 14:30, 31, 72.
w92 1/8 17 s. 14
Wãn-wãn la yãmb zoet vɩɩm sẽn pa satã zoeesã?
A Zeezi Kirist yeela a karen-biisã la neb a taab sẽn da kelgd-a, tɩ ‘ned sã n dat n tũ yẽ, bɩ a kɩɩs a mengã raabo,’ bɩ wa Biibl a to sẽn yeelã, a “bas a mengã yell tagsgo,” (La Bible en Français courant) n dɩk a ‘kũum da-luk n tũ yẽnda.’ (Mark 8:34, MN) D sã n sak n na n tũ Kiristã, wakat buud fãa, d segd n kɩɩsa d mengã raabo. Sã n pa rẽ, d tõe n wa maana bũmb sẽn tõe n sãam tõnd ne Wẽnnaam zoodã, n wa bõn vɩɩm sẽn kõn sa wã. Yaa bilf-bilf la ned tẽeb paamd pãnga, la a sã n pa gũusdẽ, a tõe n sãama a tẽebã vugr yell bala.
w08-MM 1/10 25-26 s. a 3-4
Yãmb na n sak n teka y vɩɩmã ne bõe?
Baraar me a Zezi soka sogsg a yiib sẽn kɩtd tɩ ned tags neere. A soka woto: “Ned sã n paam dũniyã bũmb fãa t’a meng vɩɩm yaool n sãame, a yõod bee yɛ? Ned na n teka a vɩɩm ne bõe?” (Mark 8:36, 37) Pipi sokrã leokr yẽ yaa nana ne-do. Yaa vẽeneg tɩ ned sã n paam dũniyã bũmb fãa n yaool n bõn a yõore, sɩd ka neng ye. Bala yaa f sã n vɩ la f tõe n dɩ f paoong yõodo. Tõe t’a Zezi sẽn lebs n sok tɩ ‘ned na n teka a vɩɩm ne bõe’ wã, tẽega a kɛlgdbã a Sʋɩtãan sẽn da yeel a Zoob wakatẽ wã tɩ “ned na n dɩka a sẽn tar fãa n kõ a vɩɩm yĩngã.” (Zoob 2:4) Neb nins sẽn pa tũud a Zeova wã kẽer tõe n tẽedame t’a Sʋɩtãan gomdã yaa sɩda. Bala sẽn na yɩl n põs kũum, wʋsg sɩd na n maana b sẽn tõe fãa, hal n sak n kɩɩs Wẽnnaam noy menga. La kiris-nebã pa maand woto ye.
D miime t’a Zezi pa wa n na n kõ-d laafɩ, paoong la yõ-wok dũni kãngã pʋgẽ ye. A waame n na n pak sor n kõ-d saagr tɩ d wa paam n vɩɩmd wakat sẽn kõn sa dũni paalgã pʋgẽ, la rẽ yõod yɩɩda sẽn ketã fãa. (Zã 3:16) Dẽnd kiris-ned na n bãnga vẽeneg t’a Zezi pipi sokrã rat n yeelame bal tɩ “ned sã n paam dũniyã bũmb fãa n yaool n sãam a vɩɩm sẽn pa satã saagre, ka yõod ye.” Hakɩka, woto sɩd ka yõod baa bilf ye. (1 Zã 2:15-17) A Zezi sokr a yiib-n-soabã leokr baoodame tɩ tõnd ned kam fãa sok a meng woto: ‘Sẽn na yɩl n wa paam vɩɩm sẽn pa satã dũni paalgã pʋgẽ, mam na n saka bõne, la hal baa kũum meng bɩ?’ Yaa d sẽn vɩ to-to wã n na n wilg d sã n na n sɩd saka woto.—Ges-y Zã 12:25.
Ninsaal biigã yaa ãnda?
Sɩd me, ned ning sẽn dat n tũ a Zeezi n paam bark tog n talla raoodo, la a sak n mong a meng bũmb kẽere. A Zeezi meng yeelame: “Ned ning fãa sẽn na n zoe-a mam yãnde la mam goamã yãnde, zamaan-kãngã nebã sẽn yaa yoaadbã la yel-wẽn maandbã sʋka, Ninsaal Bi-riblã sã n wa n wa ne b ziirã, la b ba wã ziiri, ne malegs-sõamyã, b na n zoee yẽnda me yãnde.” (Mark 8:38) Hakɩɩka, a Zeezi sã n wa, a “na n dola ned kam fãa wa sẽn zems a tʋʋmde.”—Matye 16:27.
D bʋgs Wẽnnaam Gomdã zug neere
w16.08-MM 30 s. a 1-4
Karemdbã sogsgo
Bõe yĩng t’a Zeezi bɛɛbã wẽ no-koeemd ne-a, nusã pɛgsg wɛɛngẽ?
A Zeezi bɛɛbã wẽe no-koeemd ne yẽ la a karen-biisã bũmb wʋsg poorẽ, n na n wilg tɩ b maana sẽn pa segde. Nusã pɛgsgã yaa makr a ye. A Moyiiz tõogã ra wilga bũmb toor-toor sẽn tõe n kɩt tɩ ned lebg rẽgdo. Wala makre, rao sã n bẽed a taoorẽ, pag sã n yã a pekre, ned sã n bẽed wãoodo, la ned sã n sɩɩs ninsaal wall rũng sẽn ki. Tõogã leb n da wilga ned sẽn yaa rẽgd bɩ sẽn dẽgem a meng sẽn segd n maan n lebg yɩlemde. A soabã yɩlgr da tõe n tũu ne maando, koom soob wall koom mesbo, pa rẽ bɩ pɛgsgo.—Maan., sak 11-15; Sõd., sak 19.
Zʋɩf-rãmbã karen-saam-dãmb b sẽn boond tɩ rabẽ-rãmbã wa n paasa noy a taaba. Sebr a ye yeelame tɩ b wa n gãnega noy wʋsg sẽn wilgd yel-bõoneg sẽn tõe n kɩt tɩ ned lebg rẽgdo, wall a rẽgem a taaba. B ra gãnega noy me sẽn wilgd laas la teed sẽn tõe n lebg rẽgdo, la b wilg yel-maandɩ ned sẽn yaa rẽgd sẽn tog n maan n tõog n le yɩ yɩlemde.
A Zeezi bɛɛbã sok-a-la woto: “Bõe yĩng tɩ yãmb karen-biisã ka sakd b yaab-rãmbã miningu, n dɩt ne nus-rẽgdo?” (Mark 7:5) B sẽn gom pek f nus n yaool n dɩ wã yellã, pa sẽn na yɩl n da wa lʋɩ bãag ye. B ra rɩka nusã pɛgsg tɩ lebg tũudum yel-maandɩ. Sebr ning yell d sẽn gom zugẽ wã yeelame tɩ nusã pɛgb wɛɛngẽ, rabẽ-rãmbã ra wẽeda no-koɛɛm wʋsgo. Wala makre, “laas la teed nins b sẽn tog n ning koomã n pɛg nusã, koom ning buud b sẽn segd n tall n pɛgã, ned ning sẽn tog n sĩin f nusã, la f sẽn segd n pɛg f nusã n tãag zĩig ninga.”
A Zeezi manesem yɩɩ wãn ne no-kãensã fãa sẽn da yaa ninsaalb n gãnegã? A yeela zʋɩf-rãmbã tũudum taoor-dãmb woto: “Zãmb-dãmba, a Ezayi sɩd togsa bãngr goam ne yãmb yelle, a sẽn gʋls n yeele: ‘Nin-kãensã waoogda maam ne b nobɩms bala, la b sũyã zãra ne maam [a Zeova]. La bãmb sẽn waoogd maamã yaa zaalem, bala, bãmb zãmsa nebã kaoreng sẽn yaa ninsaalb tõod bala.’ Yãmb basda Wẽnnaam tõod n sakd ninsaalb minindu.”—Mark 7:6-8.
w00-MM 1/3 10-11 s. a 9-11
Yãmb tara ‘Kirist tagsg’ bɩ?
Rao wã ra yaa wʋng tɩ goamã ra yaa toog ne-a. Tõe t’a Zezi bãngame tɩ ra-kãngã ra tara nin-zoeer bɩ yãn-zoeere. Rẽ, a Zezi maana bũmb sẽn yaa sãang bilfu. A talla rao wã n yi kʋʋngã sʋk bãmb b yiib bala. Rẽ, a Zezi tũnuga ne bãn sãnda sẽn na yɩl n wilg rao wã a sẽn da rat n maan bũmb ningã. A ‘ninga a nug-bi a tʋba pʋsẽ n tik a zelemda ne a kolkoodo.’ (Mark 7:33) Rẽ poore, a Zezi zẽka a neng n ges yĩngr n wẽ siri sõma. Woto ra yeta rao wã tɩ, ‘Mam sẽn dat n maan bũmb ning n kõ foo wã yaa Wẽnnaam pãng maasem yĩnga.’ Sẽn na n baase, a Zezi yeelame: “Yoke.” (Mark 7:34) A sẽn maan woto la rao wã sẽn tõe n wʋm masã la a tõe n gom sõma.
Ad a Zezi sɩd talla naneb meng ne neb a taabã! A ra yaa wʋmd ne b yĩn-sidsã, la a sẽn da tar ninbãan-zoeer woto wã tus-a lame t’a tall naneb ne b yĩn-sidsã. D sẽn yaa kiris-nebã, d na maan neer n bɩɩs la d wilg Kirista tagsg zĩ-kãng wɛɛngẽ. Biiblã sagenda tõnd woto: “Bɩ y fãa tall yam a woto buudu, n wilgd to yĩn-sidg võor-wʋmbo, n tar saam-biir nonglem kãsenga, n tar ninbãan-zoeer bʋgsem pʋgẽ, la sik-m-menga.” (1 Pɩɛɛr 3:8, NW) Sɩd-sɩda, rẽ baoodame tɩ d tẽeg neb a taabã yĩn-sids yell d goamã la d manesmã pʋsẽ.
Tigingã pʋgẽ, d tõe n wilgame tɩ d tara naneb ne neb a taabã yĩn-sidsi, d sã n tar waoogr manesem ne-ba, n maand-b wa d sẽn dat tɩ b maan to-to ne-dã. (Matɩe 7:12) Tõnd sẽn yet bũmb ningã, la d sẽn yet-a to-to wã bee rẽ sʋka. (Kolos rãmba 4:6) Tẽeg-y tɩ ned “sẽn ka gũusd goam zabda wa sʋʋg sẽn wãag neda.” (Yelbũna 12:18) Yaa wãn to zakã pʋgẽ? Pag ne a sɩd sẽn sɩd nong taab tara naneb ne taab yĩn-sidsi. (Efɛɛz rãmba 5:33) B lakda b mens ne toom goama, sãbgr wakat fãa, la yaalg goam sẽn zabd sũuri, tɩ woto fãa tõe n pogl yĩn-sidsã sãoogr sẽn yaa toogã. Kambã me tara yĩn-sidsi, la roagdb sẽn tar nonglem pa yĩmd rẽ ye. Remsg sã n yaa tɩlae, roagdb a woto kõta remsgã tɩ pa paoogd b kambã la pa ningd-b yãnd zaalem ye. (Kolos rãmba 3:21) Woto, d sã n wilgd naneb ne neb a taabã, d wilgdame tɩ d tara Kirist tagsgo.
SIG-NOY RASEM 14-20
D SẼN BÃNG BIIBLÃ KARENG PƲGẼ | MARK 9-10
“Vẽnegr sẽn kengd tẽebo”
w05-MM 1/2 13 s. a 9-10
Bãngr-goamã tika Kiristã zugu
A Zezi sẽn sɩng n kõt kaset tɩ yẽ yaa Mesi wã maana yʋʋmde. Yʋʋmd 32 Pakã taame n looge. Neb wʋsg sẽn da tẽ basame n pa leb n tũud-a ye. Tõe tɩ ra yaa namsgã b sẽn da paamd b tẽebã yĩngã, laogã nonglem bɩ vɩɩmã yɩɩr yĩnga. Tõe tɩ neb a taab yam da yuusdame bɩ b sũy ra sãamame, nebã sẽn da rat t’a Zezi yɩ rĩm t’a zãgsã yĩnga. Zʋɩf rãmba tũudmã taoor dãmb sẽn yeel-a t’a kõ bãnd n wilg t’a sɩd yaa Mesi wã, a zãgsame t’a kõn kõ bãnd sẽn yit saasẽ n waoog a meng ye. (Matɩe 12:38, 39) Tõe t’a Zezi sẽn zãgs rẽ maanegã kẽesa kẽer sãmb-sãmb pʋgẽ. Sẽn paase, a Zezi wa n wilga a karen-biisã bũmbu, tɩ b ges t’a võorã wʋmb yaa toogo. A ra segd n ‘kẽnga Zerizalɛm n paam namsg wʋsg kãsem dãmba la maan-kʋʋdba kãsem dãmba ne gʋlsdba nusẽ, la b na n kʋ-a lame.’—Matye 16:21-23.
Ra keta kiis a wae bɩ piig bal t’a Zezi ‘bas dũniyã n kẽng a Ba nengẽ.’ (Zã 13:1) A Zezi karen-biisã yell sẽn da pak-a wʋsgã yĩnga, a kãaba bãmb kẽer bũmb ning a sẽn zãgs t’a kõn maan n kõ Zʋɩf rãmb nins sẽn ka tẽebã. Yaa bãnd sẽn yit saasẽ. A Zezi yeelame: “Mam yeta yãmb sɩda tɩ yãmb neb kẽer sẽn be ka na n yãa Ninsaal Biiga sẽn wat ne bãmb naam tɩ b nan ka ki ye.” (Matɩe 16:28) Vẽenega, a Zezi ra pa yet t’a karen-biis kẽer da na n vɩɩmdame hal tɩ ta Mesi Rĩungã luglg yʋʋmd 1914 ye. Sẽn da be a Zezi yamẽ wã yaa a kõ a karen-biis a tãab sẽn yaa a zo-nongds vẽnegr sẽn yaa yel-solemde, sẽn yaa ziir ning a sẽn da na n wa paam Rĩungã naam pʋgẽ wã reng-n-lɛmbga. Yaa vẽneg-kãng sẽn yaa Rĩungã naam reng-n-lɛmbgã la b sẽn boond tɩ tedgrã.
w05-MM 1/2 13 s. 11
Bãngr-goamã tika Kiristã zugu
Tigis-kãseng ning sẽn zĩnd yʋʋmd 1931 Kolumbus Ohio sẽn be Etazĩni wã, b wilga Ezai 43:10-12, NW pidsgã tɩ zemse. Biiblã Zãmsdb yãka yʋʋr sẽn kɩtd tɩ b bãng-b n welge. Yʋ-kãng ya a Zeova Kaset rãmbã. Ad sɩd yaa zu-no-kãseng ne-d tɩ d kɩt tɩ neba bãng Wẽnnaam yʋʋrã, sẽn na yɩl tɩ neb a taab me kos ne yʋ-kãng n paam fãagre!—Yɩɩl Sõamyã 83:18, NW; Rom dãmba 10:13, NW.—Matye 17:1-6.
Mark 9:7, nwtsty
koɛɛg: Evãnzill-dãmbã pʋgẽ, naoor a tãabã a Zeova meng sẽn gom ne ninsaalbã yiib-n-soabã la woto.—Zã 12:28
D bʋgs Wẽnnaam Gomdã zug neere
w08-MM 1/2 32 s. a 8
A Mark sebrã vaeesgo
10:6-9. Wẽnnaam daabã yaa tɩ neb nins sẽn kẽ kãadmã da welg taab ye. Dẽnd pag ne a sɩd sã n wa tar zu-loees b kãadem pʋgẽ, b pa segd n yãgd n dat n kao kãadmã ye. B segdame n modg n tũ noy nins sẽn yit Biiblã pʋgẽ wã n tõog n mao ne zu-loeesã.—Mat. 19:4-6.
Mark 10:4, nwtsty
baosg sebre: “Kãadem kaoob sebre.” Tõogã ra wilgame tɩ rao sã n dat n bas a paga, a tog n baoa baosg sebre, t’a segd n tɩ yã kãsem-dãmbã. Tõogã sẽn wilg woto wã ra kõt-a-la weer t’a maneg n tags a yam-yãkrã zug neere. Woto yaa sẽn na yɩl tɩ ned ra yɩ yãg-yãg n kao a kãadem bʋʋm-faad yĩnga, la sẽn na yɩl n kogl pagbã. (Tõo. 24:1) La a Zeezi wakatẽ wã, tũudmã taoor-dãmb ra kɩtame tɩ ned tõe n kao a kãadem faag-faaga. Pipi kiris-nebã wakate, kʋdemd yɛl mit a Zozɛf sẽn yaa fariziẽ n da kao a kãadmã yeelame tɩ ned tõe n kaoa a kãadem bʋʋm fãa yĩnga.
Mark 10:11, nwtsty
dig a paga: “Yiis a paga.” D sã n dat n wʋm a Zeezi gomdã võore, d segd n tika Mat. 19:9 wã sẽn paas “tɩ sã n ka yoob yĩngã.” A Mark sẽn lebs n dɩk a Zeezi sẽn yeel kãadmã kaoob wɛɛngẽ wã yaa sẽn na n wilg tɩ rao sã n yiis a pag tɩ pa “yoob yĩng” bala, a yaa yoaada.
a yaa yoaad a pipi pagã nifẽ: A Zeezi sẽn yeel woto vɛrse-kãngã pʋgẽ wã yaa sẽn na n wilg tɩ rabẽ-rãmbã sẽn da bas tɩ rapã tõe n kao b kãadem b pag “beegr buud fãa yĩngã” pa segd ye. (Mat. 19:3, 9) Zʋɩf-rãmbã wʋsg ra pa tagsd tɩ rao yoob yaa wẽng ye. Rabẽ-rãmbã ra wilgda nebã tɩ rao sã n bas a pag n kẽ ne pag a to pa yoob ye. Yaa pag sã n zãmb a sɩd la yoobo. A Zeezi sẽn wilg tɩ rao me sã n kẽ ne pag a to, a yoome wã, a waooga pagbã. Wilgame me tɩ pag ne rao fãa yaa yembre.
Mark 10:17, 18, nwtsty
karen-saamb sõngo: Raoã sẽn bool a Zeezi woto wã, yaa waoogr sẽn loog noore. Tũudmã taoor dãmb n da rat tɩ nebã bool-b woto. Yaa sɩd t’a Zeezi pa zãgs tɩ b ra bool-a tɩ “karen-saamb la Zu-soab’ ye. (Zã 13:13) La a wilgame tɩ yaa a Ba wã bal n segd ne waoogr buud fãa.
Nin-sõng ka be tɩ sã n ka Wẽnnaam b yembr bal ye: A Zeezi sẽn yeel vɛrse-kãngã pʋgẽ wã wilgdame t’a Zeova a ye bal n yaa sõngo, la tɩ yaa a Zeova sẽn yaa yĩngr la tẽng naandã bal n tar sor n na n wilg sẽn yaa sõma la wẽnga. A Ãdem ne a Awa sẽn kɩɩs Wẽnnaam noorã n dɩ tɩɩgã bilã, b wilgame tɩ pa Wẽnnaam n segd n wilg bãmb sõma la wẽngã ye. A Zeezi pa maan wa bãmb ye. A sika a meng n sak n deeg tɩ yaa a Ba wã n tar sor n na n wilg sẽn segde. Wẽnnaam wilga sẽn yaa sõma wã ne noy nins a sẽn kõ a Gomdã pʋgẽ wã maasem.—Mark 10:19.
SIG-NOY RASEM 21-27
D SẼN BÃNG BIIBLÃ KARENG PƲGẼ | MARK 11-12
“A kõome n yɩɩg nebã fãa”
Mark 12:41, 42, nwtsty
ligd ningr zĩigẽ: Zʋɩf-rãmbã sɛb-kʋdẽ, b wilgame tɩ ligdã ningr zĩis ra wõnda baorg wall yɩɩlle, tɩ võor be zugẽ wã. Nin-buiidã ra ningda kũunã be. Yaa gɛrk gom-bi-kãngã la b sẽn lebg Zã 8:20 pʋgẽ me tɩ “ligd lobr koglgã.” Wõnda ligd ningr zĩigã ra bee wẽnd-doogã zĩig ning b sẽn da boond tɩ pagbã zakã. Rabẽ-rãmbã sɛb wilgame tɩ ligd ningr zĩis piig la a tãab la b ra ka wẽnd-doogã zak lalg zug n gilgi. B wilgame me tɩ ligd ningr zĩ-kãseng n da be wẽnd-doogẽ wã, tɩ b vaagd ligdã n ningd be.
lagd-bõoneg a yiib: Yaa lepton sẽn yaa gɛrk gom-bilã la b sẽn lebg tɩ lagd-bõonegã. Gom-bilã bilgda bũmb sẽn paoode. Yaa ligd koɛɛng sẽn zems denie a ye b sẽn pʋɩ zĩis koabg la pisi la a nii. Israyɛlle, lepton wã ra yaa ligd ning sẽn paood n yɩɩda, b sẽn maan ne koɛɛng wall zũudu.
sẽn zems tãma: Yaa quadrans sẽn yaa latẽ gom-bilã la b sẽn lebg tɩ kodrantes ne gɛrkã. Yaa Rom ligd b sẽn maan ne koɛɛng wall zũud sẽn zem denie a ye b sẽn pʋɩ zĩis pis-yoob la a naase. A Mark tũnuga ne Rom dãmbã ligd n wilg ligd-koeems b sẽn da rɩt zʋɩf-rãmbã zãmaanẽ wã sẽn zem to.
w97 15/10 16-17 16-17
A Zeova sũur nooma ne-yã, y sẽn tʋmd a tʋʋmdã ne y sũur fãa wã
Rasem a wãn poore, Nizã rasem piig la a ye wã, a Zeezi sõsa wẽnd-doogẽ wã. Baraare, wʋsg pa sak n deeg tɩ yaa Wẽnnaam n tʋm-a ye. A leoka sogsg lampo wã yaoobo, kũum vʋʋgrã, la yɛl a taab wɛɛngẽ tɩ zemse. A puka gʋlsdbã ne fariziẽ-rãmbã bãongo, n yeel-b tɩ b “gʋsda pʋg-kõap paoongo.” (Mark 12:40) A Zeezi zĩnda zĩig ning b sẽn boond tɩ pagbã zakã pʋgẽ, n get nebã sẽn ningd kũunã. Zʋɩf-rãmbã sɛb-kʋd bilgame tɩ ligd ningr zĩis piig la a tãab la b ra lugl be. Rakãag-rãmb wʋsg ra ningda b kũunã n dat tɩ nebã tags tɩ b yaa tɩrse, bɩ b yã n pẽge. (Ges-y Matye 6:2.) A Zeezi gũusame n yã pag a ye sẽn ningd a kũuni. Tõe tɩ ned a to ra pa na n bãng tɩ pagã kũunã tara yõodo, wall a bãng a yɛlã sẽn da yaa to-to wã ye. La a Zeezi sẽn mi ninsaalã bãngame tɩ yaa “pʋg-kõore.” A bãnga a ligdã me takɩ: “Lagd-bõoneg a yiib sẽn zems tãma.”—Mark 12:41, 42.
A Zeezi boola a tʋm-tʋmdbã, bala a ra rat n wilg-b-la yam ning b sẽn tõe n dɩk pʋg-kõorã kibarã pʋgẽ wã a toore. A yeel-b lame t’a ‘kõome n yɩɩg neb nins fãa sẽn ning ligd ligdã koglgẽ wã.’ A Zeezi nifẽ, pʋg-kõorã sẽn kõ wã yɩɩda neb a taabã fãa kũunã sẽn naag taaba. A kõo a sẽn tarã fãa. A sẽn maan woto wã, a wilgame t’a teega a Zeova n dat t’a ges a yelle. Ned ning a Zeezi sẽn yeel t’a kõome n yɩɩg nebã fãa Wẽnnaam nifẽ wã kõo kũun yõod sẽn wõnd pa waoog ye. La Wẽnnaam nifẽ, a kũunã ka to ye.”—Mark 12:43, 44; Zak 1:27.
w97 15/10 17 17
A Zeova sũur nooma ne-yã, y sẽn tʋmd a tʋʋmdã ne y sũur fãa wã
A Zeezi boola a tʋm-tʋmdbã, bala a ra rat n wilg-b-la yam ning b sẽn tõe n dɩk pʋg-kõorã kibarã pʋgẽ wã a toore. A yeel-b lame t’a “kõome n yɩɩd neb nins fãa sẽn ning ligd ligdã koglgẽ wã.” A Zeezi nifẽ, pʋg-kõorã sẽn kõ wã yɩɩda neb a taabã fãa kũunã sẽn naag taaba. A kõo a sẽn tarã fãa. A sẽn maan woto wã, a wilgame t’a teega a Zeova n dat t’a ges a yelle. Ned ning a Zeezi sẽn yeel t’a kõome n yɩɩd nebã fãa Wẽnnaam nifẽ wã yaa ned sẽn kõ kũun yõod sẽn wõnd pa waoog ye. La Wẽnnaam nifẽ, a kũunã ka to ye.”—Mark 12:43, 44; Zak 1:27.
w87 1/12 30 1
Yãmb mongda y meng n kõtẽ bɩ?
D tõe n dɩka yam wʋsg pʋg-kõorã kibar pʋgẽ. A sẽn wilgd tõnd bũmb ning n tɩ yɩɩd yaa tɩ tõnd ned kam fãa tõe n talla a paoong n teel tũudum hakɩɩkã, la tɩ sẽn noom Wẽnnaam n yɩɩd pa d sẽn na n kõt-a tɩ beeme bal ye. Yaa d sẽn na n mongd d meng n kõt-a. Dẽnd d segd n soka d meng yaa: “M sẽn kõt Wẽnnaamã yaa sẽn be yĩng bɩ, bɩ m mongda m menga?”
cl 185 15
“Wẽnnaam Gomdã” kõta yam
Neb wʋsg sẽn wa wẽnd-doogẽ wã baraar tɩ wa yaa pʋg-kõorã sẽn maanã yell bal la Biiblã gomdã pa zaalem ye. A Zeova tika pʋg-kõorã sẽn maanã n na n wilg tõnd t’a sũur nooma ne modgr ning d sẽn maand a yʋʋrã yĩnga. A sũur nooma d sã n kõt ne d sũur fãa, baa d taab sã n kõ tɩ yɩɩg d rẽndã. Ad a Zeova sẽn tũnug ne pʋg-kõorã kibarã n na n wilg tõnd bõn-kãngã wã sɩd kengda raood wʋsgo!
D bʋgs Wẽnnaam Gomdã zug neere
Mark 11:17, nwtsty
pʋʋsg roog buud fãa yĩnga: Evãnzill-gʋlsdb a tãab n lebs n dɩk Eza. 56:7 goamã. La b sʋkã, yaa a Mark bal n paas tɩ “buud fãa yĩnga.” (Mat. 21:13; Luk 19:46) Zerizalɛm wẽnd-doogã ra segd n yɩɩ Israyɛll nebã la bu-zẽmsã neb nins sẽn dat n tũ a Zeova wã pʋʋsg zĩiga. (1 Rĩm 8:41-43) A Zeezi sẽn ning zʋɩf-rãmb sẽn da koosd teed wẽnd-doogẽ wã taalã a ra bee bʋʋm, bala b kɩtame t’a lebg wagda zĩiga. B sẽn da maand woto wã komsa buud toɛy-toɛyã neb raood tɩ b pa le wat n pʋʋsd a Zeova a roogẽ wã, tɩ kɩt tɩ b pa le tõe n paam n bãng-a ye.
Kankangã yellã zãmsda tõnd bũmb tẽebã wɛɛngẽ
A Zeezi ne a karen-biisã wa n taa Zeruzalɛm. A Zeezi kẽnga wẽnd-doogẽ wã n na n tɩ zãms nebã wa a sẽn minim n maandẽ wã. Maan-kʋʋdbã kãsem-dãmb ne kãsem-dãmb ket n tẽra a Zeezi sẽn dig ligd tekdbã tɩ zaamẽ wã. B sok-a-la woto: “Yãmb maanda bõn-kãens ne no-bʋgo, la ãndã n kõ yãmb noor tɩ y maane?”—Mark 11:28.
SIG-NOY RASEM 28–SIGR RASEM A 3
D SẼN BÃNG BIIBLÃ KARENG PƲGẼ | MARK 13-14
“Ra bas-y tɩ ninsaal zoees tõog-y ye”
A zãmsa sugr kũun a Zu-soabã nengẽ
A Pɩɛɛr soos n pʋgame, n ta Zerizalɛm zag-kẽeng a yembr noore. Yaa maan-kʋʋdb kãsem a Kayif zaka. A yaa nin-kãsenga, t’a nugã zãada. Naoor wʋsgo, zags a woto buudã tara saman-kẽenga, tɩ kʋɩleng be noorẽ wã. A Pɩɛɛr sẽn ta wã, b zãgsame t’a kõn kẽ ye. A Zã sẽn da mi maan-kʋʋdb kãsmã ra zoe n kẽeme. Yẽ n wa n bõos sẽn gũud-a kʋɩlengã t’a Pɩɛɛr paam n kẽ. La wõnda a Pɩɛɛr pa kell n pʋg a Zã, a pa bao me n na n kẽ roogã pʋgẽ n yals ne a Zu-soabã ye. A kell n paa samandã pʋgẽ ne yembsã la maan-kʋʋdb kãsmã tʋm-tʋmdb kẽer sẽn da yõgen bugum n wootẽ, la b get ziri kaset dãmbã sẽn kẽed n dõt a Zezi la b yitã.—Mark 14:54-57; Zã 18:15, 16, 18.
it-2 585 s. a 3
A Pɩyɛɛre
A Pɩyɛɛr tõog n kẽe maan-kʋʋdbã kãsem zakẽ, la yaa a Zeezi karen-biig a to sẽn tũ-a n kẽng bɩ sẽn yãag-a, n sõng-a. (Zã 18:15, 16). A Pɩyɛɛr sẽn kẽ zakẽ wã, a pa bao zĩig n solg ye. A tɩ naaga neb n woot bugum. Vẽenemã yĩnga, nebã bãngame t’a yaa a Zeezi karen-biiga, la b sẽn kelg a goamã n bãng t’a tog n yita Galɩle wã, maneg n paasa b sãmbsã. B sẽn yeel t’a yaa a Zeezi karen-biigã, a Pɩyɛɛr kɩɩsa hal naoor a tãab t’a pa mi a Zeezi, n pʋd n kãab la a wẽene. La no-raoog n kelem naoor a yiib-n-soaba, t’a ‘Zeezi wẽnemd n ges a Pɩyɛɛre.’ A Pɩyɛɛr sũur sãama wʋsgo, t’a yi yɩng n yãbe. (Mat. 26:69-75; Mark 14:66-72; Luk 22:54-62; Zã 18:17, 18 ; ges-y CHANT DU COQ ; SERMENT). La a Zeezi sẽn da pĩnd n pʋʋs n kos bũmb ning a Pɩyɛɛr yĩngã reegame, t’a tẽebã pa ki zãng ye.—Luk 22:31, 32.
w08-MM 1/2 32 s. a 6
A Mark sebrã vaeesgo
14:51, 52—Bi-bɩɩg ning sẽn zoe a beellã yaa ãnda? Yaa a Mark bal n gom kiba-kãnga yelle. Dẽnd d tõe n yeelame t’a Mark ra gomda a meng yelle.
B talla a Zeezi n kẽng a Ann yirã, la a Kayif nengẽ
A Kayif miime tɩ ned sã n yeel t’a yaa Wẽnnaam Biiga, yikda zʋɩf-rãmbã sũy wʋsgo. Sẽn nan pa kaoose, a Zeezi boola Wẽnnaam t’a Ba, tɩ zʋɩf-rãmbã bao n na n kʋ-a, b sẽn tags t’a rat n yeelame tɩ ‘yẽ ne Wẽnnaam yaa yembrã’ yĩnga. (Zã 5:17, 18; 10:31-39) A Kayif sẽn mi rẽ wã, a yeela a Zeezi ne sɩlem yaa: “Mam kota yãmb ne Wẽnnaam sẽn vɩ wã yʋʋr tɩ y togs tõnd yãmb sã n yaa Kirisi, Wẽnnaam Bi-riblã.” (Matye 26:63) A Zeezi ra wilga vẽeneg t’a yaa Wẽnnaam Biiga. (Zã 3:18; 5:25; 11:4) A sã n pa leoke, tõe n yɩɩ wa yẽ mengã pa kɩs sɩd t’a yaa Wẽnnaam Biiga, la Kirisã ye. Rẽ n so t’a yeel yaa: “Mam sɩd yaa Kirisi. La yãmb na n yãnda Ninsaal Bi-riblã sẽn zao Sẽn-Tõe-yã-Fãa wã rɩtgo, la b sẽn wat ne sawato.”—Mark 14:62.