8. Bõe n kɩt tɩ d miẽ tɩ kiris-ned sẽn paam zaeebã sã n kell n sak a Zeova n tãag a kũum, sũ-noog bee saasẽ?

⁸ Vẽenega, sẽn paam-b zaeebã ned kam fãa tʋllame tɩ Wẽnnaam sõng-a t’a ra wa lʋɩ n wa paam sãoong ye. B saagdame tɩ b kũum poore, a Zezi Kirist na n vʋʋg-b lame tɩ b lebg wa malɛgs n zems zãnga. Rẽ na n kɩtame tɩ b tõog n kẽng Wẽnnaam nengẽ saasẽ ne sũ-no-kãsenga. Kiris-ned sẽn paam vʋʋsem sõngã zaeeb sã n kell n sak a Zeova n tãag a kũum, yaa vẽeneg tɩ b na n vʋʋg-a lame t’a lebg wa malɛk n paam ‘yĩng sẽn ka põogd la sẽn tar waoogre.’ (1 Kor. 15:42-44) A Zezi yeelame tɩ sũ-noog wʋsg ‘bee saasẽ, yel-wẽn soab a yembr yam sã n tek t’a kos sugri.’ Woto wã, tags-y n ges-y sũ-noog ning sẽn na n zĩnd saasẽ, ned sẽn paam zaeeb n lebg Kiristã ba-biig sã n kell n sak Wẽnnaam n tãag a kũum. (Luk 15:7) A Zeova ne malɛg-sakdbã fãa na n naag-a lame n kɩdme, a sẽn wat n deegd a keoorã ne “sũ-noog wʋsgã” sasa.—Karm-y 1 Zã 3:2.

PIIS A TAABÃ SAAGRÃ