4. A Zeova ratame tɩ y bãng a yʋʋrã, la y pʋt-a

VIDEO: Wẽnnaam tara yʋʋr bɩ?​—B sẽn kʋrge (3:11)

• Yãmb tagsdame tɩ Wẽnnaam datame tɩ d bãng a yʋʋrã bɩ? Bõe yĩnga?

A Zeova ratame tɩ nebã pʋt a yʋʋrã. Karm-y Rom dãmb 10:13. Rẽ poor bɩ y leok sogsgã:

• Wẽnnaam yʋʋrã sẽn yaa Zeova wã pʋdb yõod taa zĩ-bʋgo?

• Ned sã n tẽr yãmb yʋʋrã la a pʋt-a, y manesem yaa wãna?

• Yãmb sã n pʋt a Zeova yʋʋrã, yãmb tagsdame t’a manesem yaa wãna?

1. Wãn to la ziri tũudmã rãmb sẽn zãmsd nebã bũmb ninsã sãamd Wẽnnaam yʋʋre?

Ziri tũudmã “teka Wẽnnaam sɩdã ne ziri.” (Rom dãmbã 1:25) Wala makre, tũudma fãa la bal pa wilgd nebã Wẽnnaam yʋʋrã ye. La Biiblã pʋgẽ, b yetame tɩ d segd n pʋta Wẽnnaam yʋʋrã. (Rom dãmbã 10:13, 14) Tũudum taoor dãmb kẽer yetame tɩ yel-beed sã n maane, yaa Wẽnnaam daabo. La woto yaa ziri. Wẽnnaam pa tol n maand sẽn yaa wẽng ye. (Karm-y Zak 1:13.) Bʋko, ziri tũudmã rãmb sẽn togsd yɛl sẽn pa sɩd Wẽnnaam zugã kɩtame tɩ nebã zãagd ne Wẽnnaam.