• “Bɩ y zoe yoobo”
    Kell-y n pa-y “Wẽnnaam nonglmã pʋgẽ”

    • 3. Bõe yĩng tɩ d tõe n yeel t’a Balaam sɩlmã tõogame?

      3 A sɩlmã tõogame bɩ? D tõe n yeelame tɩ n-ye, bala Israɛll rap tusa n lʋɩ bẽdgã pʋgẽ, n sɩng “yoob ne Moaab pagbã.” B pʋd n sɩnga Moaab wẽnnaam dãmbã pʋʋsgo. Wala makre, b pʋʋsa rogem la yoob wẽnd a Baal-Peoore. Rẽ kɩtame tɩ Israɛll neb 24 000 ki Kãabg Tẽngã toadgẽ wã. Ad sɩd yɩɩ yel-beed menga!—Sõdbo 25:1-9.

  • “Bɩ y zoe yoobo”
    Kell-y n pa-y “Wẽnnaam nonglmã pʋgẽ”

    • 4. Bõe yĩng tɩ Israɛll neb tusa lʋɩ yoobã pʋgẽ?

      4 Yaa bõe n kɩt tɩ yel-be-kãngã paam nebã? Bãmb wʋsg sũy lebga wẽnse, tɩ b bas a Zeova, Wẽnnaam ning sẽn yiis bãmb Ezipti, n dɩlg-b weoogẽ wã, la a yãag-b n ta Kãabg Tẽngã toadgẽ wã. (Hebre dãmba 3:12) Tʋm-tʋmd a Poll goma rẽ yell n yeel woto: “Bɩ tõnd da maan yoob wa bãmb neb kẽer sẽn maan tɩ tus pisi la a tã ki daar a yembrã ye.”a—1 Korẽnt dãmba 10:8.