SAK 27
Wãn to la a Zeezi kũumã tõe n fãag tõndo?
Yaa d yaab a Ãdem ne a Awa sẽn kɩɩs Wẽnnaamã n kɩt tɩ d maand yel-wẽna, n namsdẽ, la d kiidẽ wã.a La tõnd yellã tara tɩɩm. A Zeova maana bũmb ne a Bi-ribl a Zeezi Kirist maasem, sẽn na yɩl n fãag tõnd ne yel-wẽndã la kũumã. Biiblã pʋgẽ, b wilgame t’a Zeezi sẽn ki wã, a yaoo yaood sẽn na yɩl n fãag tõndo. A rɩka a vɩɩmã sẽn zems zãngã n yao, sẽn na yɩl tɩ tõnd paam d meng ne yel-wẽndã la kũumã. (Karm-y Matiye 20:28.) A Zeezi ra tõe n vɩɩmda wakat sẽn kõn sa tẽngã zugu, la a sak n basa rẽ ne yamleoogo. A sẽn maan woto wã, a paka sor tɩ tõnd tõe n le paam bũmb ning a Ãdem ne a Awa sẽn bõnã. Leb n wilgdame tɩ yẽ ne a Zeova nonga tõnd wʋsgo. Sag-kãngã na n sõnga tõnd tɩ d sũur maneg n yɩ noog ne a Zeezi sẽn ki tõnd yĩngã.
1. Wãn to la a Zeezi kũumã tõe n naf tõnd rũndã-rũndã?
Tõnd sẽn yaa yel-wẽn-maandbã yĩnga, d maanda bũmb wʋsg sẽn pa noom a Zeova. La d sã n sɩd tek yam, n kos a Zeova t’a kõ tõnd d yel-wẽnã sugr a Zeezi Kirist maasem yĩnga, la d maand d sẽn tõe fãa n da le maan a buudu, d tõe n paama zood sẽn yaa sõma ne Wẽnnaam. (1 Zã 2:1) Biiblã pʋgẽ, b yetame: “Kirist kii vugr wakat fãa yĩng yel-wẽnã yĩnga, sẽn na yɩl n tall yãmb n ta Wẽnnaam nengẽ.”—1 Pɩyɛɛr 3:18.
2. Wãn to la a Zeezi kũumã tõe n naf tõnd beoog-daare?
A Zeova tʋma a Zeezi t’a wa kõ a vɩɩmã sẽn zems zãngã, ‘sẽn na yɩl tɩ ned ning fãa sẽn tẽed-a ra sãame, la a paam vɩɩm sẽn ka sɛta.’ (Zã 3:16) A Zeezi sẽn maan bũmb ningã maasem yĩnga, ka la bilfu, a Zeova na n kɩtame t’a Ãdem kɩɩsgã sẽn wa ne bõn-wẽns ninsã fãa sa. Woto rat n yeelame tɩ d sã n tẽed a Zeezi maoongã, d na n wa paam n vɩɩmda wakat sẽn kõn sa arzãn pʋgẽ, tẽngã zugu!—Ezayi 65:21-23.
D BAO N BÃNG N PAASE
D maneg n ges a Zeezi sẽn kõ a vɩɩmã võore, la rẽ sẽn nafd tõnd to-to wã.
3. A Zeezi kũumã kɩtame tɩ d tõe n paam d meng ne yel-wẽndã la kũumã
Ges-y VIDEO wã, tɩ rẽ poor bɩ y leok sokrã.
A Ãdem sẽn kɩɩs Wẽnnaamã, bõe la a bõn-yã?
Karm-y Rom dãmb 5:12, tɩ rẽ poor bɩ y leok sokrã:
A Ãdem sẽn maan yel-wẽndã kɩtame tɩ bõe paamd tõndo?
Karm-y Zã 3:16, tɩ rẽ poor bɩ y leok sokrã:
Bõe yĩng t’a Zeova tʋm a Bi-riblã tẽngã zugu?
A Ãdem sẽn wa n na n kɩɩs Wẽnnaamã t’a ra zemsa zãnga. Rẽ kɩtame tɩ ninsaalbã maand yel-wẽn la b kiidẽ
A Zeezi yɩɩ ned sẽn zems zãng n kell n sak Wẽnnaam. Rẽ kɩtame tɩ ninsaalbã tõe n wa zems zãnga, n vɩɩmd wakat sẽn kõn sa
4. A Zeezi kũumã tõe n nafa ninsaalbã fãa
Ges-y VIDEO wã, tɩ rẽ poor bɩ y leok sokrã.
Wãn to la nin-yɛng kũum tõe n naf nebã fãa?
Karm-y 1 Tɩmote 2:5, 6, tɩ rẽ poor bɩ y leok sokrã:
A Ãdem da yaa ned sẽn zems zãnga, la a sẽn maan yel-wẽndã yĩnga, nebã fãa lebga yel-wẽn-maandb la kiidba. A Zeezi me ra yaa ned sẽn zems zãnga. Bõe yĩng tɩ d tõe n yeel t’a yaoo “yaood ning sẽn da segd n yao n fãag ninsaalbã”?
5. A Zeezi maoongã yaa kũun a Zeova sẽn kõ yãmba
A Zeova zo-rãmbã ned kam fãa geta a Zeezi maoongã wa kũun b sẽn kõ yẽ mengã. Wala makre, karm-y Galat-rãmb 2:20, tɩ rẽ poor bɩ y leok sokrã:
Bõe la tẽn-tʋmd a Poll yeel tɩ wilgdẽ t’a ra geta a Zeezi maoongã wa kũun b sẽn kõ yẽ mengã?
A Ãdem sẽn maan yel-wẽndã, kɩtame tɩ yẽ ne a kambã la a yagensã fãa lebg kiidba. La a Zeova tʋma a Bi-riblã t’a wa ki, sẽn na yɩl tɩ d wa tõog n paam n vɩɩmd wakat sẽn kõn sa.
Y sã n wa karemd vɛrse nins sẽn pʋgdã, mams-y n ges-y a Zeova tagsg sẽn da yaa to-to, a Bi-riblã sẽn wa n namsdẽ wã. Karm-y Zã 19:1-7, 16-18, tɩ rẽ poor bɩ y leok sokrã:
Yãmb tagsg yaa wãn ne bũmb ning a Zeova ne a Zeezi sẽn maan yãmb yĩngã?
NINA TÕE N SOKAME YAA: “Wãn to la nin-yɛng kũum tõe n naf ninsaalbã fãa?”
Yãmb na n leokame tɩ bõe?
KƲMSGO
A Zeezi kũumã maasem yĩnga, a Zeova tõe n kõo tõnd d yel-wẽnã sugri, tɩ tõnd me tõe n wa paam n vɩɩmd wakat sẽn kõn sa.
Lebg-n-gese
Bõe yĩng t’a Zeezi ki?
Bõe yĩng tɩ d tõe n yeel t’a Zeezi vɩɩmã sẽn zems zãngã n yaa yaood ning sẽn da segd n yao wã?
Wãn to la a Zeezi kũumã tõe n naf yãmba?
BŨMB A TAABA
Bõe yĩng tɩ b yet t’a Zeezi vɩɩmã sẽn zems zãngã ronda tõnd yel-wẽnã?
“B sẽn yeel t’a Zeezi kõo a vɩɩmã tɩ ‘yao neb wʋsg yĩngã’ rat n yeelame tɩ bõe?” (Bee jw.org)
Bũmb ning d sẽn segd n maan n paam fãagre.
A Zeova kõta baa yel-wẽn-kãsemsã sugr bɩ?
“Sogsg Biiblã sẽn leokde” (Yʋʋmd 2013 sig-noy kiuug pipi daar Gũusg Gasgã)
Rao a ye kibare. A ra tẽegda bõn-wẽns sẽn maan zabr sasa tɩ namsd-a. Wãn to la a sẽn bãng tɩ Kiristã kiime tɩ yɩ maoongã sõng-a?
a Yel-wẽnd pa f sẽn na n maan bũmb sẽn yaa wẽng bal ye. A makda bũmb a Ãdem ne a Awa sẽn kɩt tɩ longd ninsaalbã me, rat n yeel tɩ b sẽn kɩt tɩ d yaa neb sẽn pa zems zãngã.