Rɩk-y yam sãoong nins sẽn loogã pʋgẽ. A Pɩɛɛr yeela woto: “Bãmb, [dat n yeel tɩ Wẽnnaam,] ka bas pĩnd dũniyã tɩ põs ye, la bãmb sẽn tʋm sãoong sa-kãseng wẽn-kɩɩsdbã sẽn be dũniyã zugã yĩnga, bãmb fãaga a Nowe sẽn yaa tɩrlem koe-moondã ne neb a yopoe.” (2 Pɩɛɛr 2:5) A Pɩɛɛr goma laadbã yell n yeel woto: “Bãmb ka rat n deeg tɩ yaa ne Wẽnnaam goamã la yĩngr be hal pĩnda, la koom kɩtame tɩ tẽng puk yẽ pʋgẽ, la ne ko-kãnga, dũniyã sẽn da be pĩndã sãama koom sẽn lim-a wã yĩng ye. La yaa ne gom-kãng bala, yĩngr la dũniyãa sẽn be masã wã bĩnga bugum yĩnga, bʋʋd kaoobo, la wẽn-kɩɩsdbã sãoong daar sẽn na n ta wã.”—2 Pɩɛɛr 3:5-7.

[Foto, seb-neng a 7]