• Bõe la d mi Wẽnnaam a Zeova zugu?
    Vɩɩmd-y wakat sẽn kõn sa!—Biiblã zãmsg sebre

    • 3. Wãn to la a Zeova wilgd t’a nonga tõndo?

      Nonglmã n yaa a Zeova zʋg-sõng ning sẽn yaa kãseng n tɩ yɩɩdã. Sɩd me, Biiblã pʋgẽ, b pa yet bal tɩ Wẽnnaam tara nonglem ye. B yetame tɩ “Wẽnnaam yaa nonglem.” (1 Zã 4:8) Pa Biiblã pʋgẽ bal la a Zeova wilgd t’a yaa nonglem soab ye. Bũmb nins a sẽn naanã me wilgda rẽ. (Karm-y Tʋʋm 14:17.) Wala makre, tags-y a sẽn naan tõnd to-to wã yelle. A naana tõnd tɩ d tõe n yã bũmb toor-toor kõbg tɩ noom-do, n kelg mizik wall d lemb rɩɩb n bãng a noom. A ratame tɩ d vɩɩmd ne sũ-noogo.

  • Wãn to la ziri tũudmã sãamd Wẽnnaam yʋʋre?
    Vɩɩmd-y wakat sẽn kõn sa!—Biiblã zãmsg sebre

    • 2. Wãn to la ziri tũudmã sẽn maand yɛl ninsã sãamd Wẽnnaam yʋʋre?

      Ziri tũudmã rãmb manesmã ne nebã yaa toor fasɩ ne a Zeova. Biiblã pʋgẽ, b yetame tɩ ziri tũudmã “yel-wẽnã zamame n ta saasẽ.” (Vẽnegre 18:5) Na maan yʋʋm kobse, tũudum toɛy-toɛy kẽesa b toog politikã yɛlẽ, b teela zaba, la b yɩ sabab tɩ b kʋ neb tus ka tɛka. Tũudum taoor dãmb kẽer vɩɩ naar pʋgẽ. Rẽ kɩtame tɩ b nong n kot b poorẽ dãmbã ligdi. B sẽn maand woto wã wilgdame tɩ b pʋd n pa mi Wẽnnaam, tɩ rẽ kɩt tɩ b pa tar sor n gom a yʋʋr yĩng ye.—Karm-y 1 Zã 4:8.