Tõnd pʋʋsgã tara yõod a Zeova nifẽ

Pʋʋsg sẽn yaa sõma yaa wa wisdã sẽn tar yũ-noog b sẽn da yõogd a Zeova taoor wẽnd-doogẽ wã. (Yɩɩn. 141:2) D sã n togs d saasẽ ba wã tɩ d nong-a lame, la tɩ d sũur nooma ne bũmb nins a sẽn maand n kõt tõndã, n togs-a bũmb nins sẽn pak tõndã, d sẽn datã, la d kos-a t’a wilg-d sore, d wilgdame tɩ d nanda tõnd ne yẽ zoodã. Yaa sɩd t’a Zeova geta pʋʋsg nins b sẽn pʋʋsd d tigissã sasa wã wa bũmb sẽn tar yõod sẽn naag tõnd tũudmã yɛla. La tõnd mengã pʋʋsg pʋgẽ, d sã n togs a Zeova sẽn sɩd be d sũurẽ wã, d sẽn sɩd tagsde, la d pʋʋsd-a n kaoosdẽ, a sũur yaa noogo!—Yel. 15:8.

GES-Y VIDEO WÃ: MAM NONGA PƲƲSGÃ. RẼ POOR BƖ Y LEOK SOSGÃ:

• Tʋʋm-bʋg la saam-biig a Johnson paam n tʋm a Zeova tũudmã pʋgẽ?

• Wãn to la saam-biig a Johnson ra teegd a Zeova pʋʋsg pʋgẽ?

• Yam-bʋg la d tõe n dɩk saam-biig a Johnson kibarã pʋgẽ?