Tʋʋlg rasem 26 semennã

TƲƲLG RASEM 26 SEMENNÃ

Yɩɩll 92 la pʋʋsgo

□ Tigingã Biibl zãmsgo:

my sak 74*-75 (Min. 25)

□ Wẽnnaam tʋʋmdã lekolle:

Biiblã karengo: Zeremi 12–16 (Min. 10)

N^o a 1: Zeremi 13:1-14 (Min. a 4 bɩ sẽn pa ta woto)

N^o a 2: Ãnd rãmb n segd n wãb burã la b yũ divẽ wã Soaalã zaabr dɩɩbã sasa?—rs s.n. 243 s. a 3-4 (Min. a 5)

N^o a 3: Wakat bʋgo, la naoor a wãn la d segd n maan a Zezi kũumã Tẽegr yʋʋmd pʋgẽ?—rs s.n. 244 s. a 3-s.n. 245 s. a 1 (Min. a 5)

□ Tʋʋmdã tigsga:

Yɩɩll 124

Min. a 5: Koeese. Togs tigingã nebã tẽegrã boolg sɛb pʋɩɩb sẽn ta zĩig ninga.

Min. 10: Bɩ d ra yĩm tɩ maan sãambã sãand ye. (Heb. 13:1, 2) Diskuur kãsem-soab sẽn na n wɛgse. Tẽeg tigingã sẽn na n maan tẽegrã zĩig ningã la wakat ningã. Wilg ned kam fãa sẽn tõe n maan to-to n deeg sãambã la neb nins sẽn maag tũudmã yɛl pʋgẽ wã me sõma. Kɩt tɩ b maan mak-n-wilg a yiibu. Pipi soabã yaa nand tɩ tẽegrã sɩnge. Koe-moondã reegda sãan sẽn paam boollã sebre. Yiib-n-soabã yaa tẽegrã poore, tɩ koe-moondã pẽneg sãana yɛs n na n dɩk sɛk n tɩ sõs ne-a.

Min. 20: “ Les merveilles de la création révèlent la gloire de Dieu. ” Sogsg la leoore. Kɩt tɩ f sɩngr goamã tik sull a ye wã zugu, tɩ f baasg goamã me tik yaoolem sullã. La modg tɩ yɩ koɛɛg-koɛɛga. Sok kɛlgdbã tɩ b wilg video kãngã sẽn sõng bãmb tɩ b bãng bũmb ninsã. Kɩt tɩ b wilg d sẽn tõe n tʋm ne video kãngã koe-moonegã pʋgẽ to-to.

Yɩɩll 110 la pʋʋsgo

Les merveilles de la création révèlent la gloire de Dieu

Neb wʋsg yetame tɩ b sã n get Wẽnnaam sẽn naan bũmb ninsã, bee yamleoog wʋsgo. La wʋsg pa mi tɩ rẽ tõe n sõng-b lame tɩ b bãng b Naandã tagsg ye. (Rom 1:20) Gʋlsg Sõamyã sõnga a Davɩɩd t’a bãng a Zeova. A ra geta Wẽnnaam sẽn naan bũmb ninsã me, la rẽ sõng-a t’a bãng-a sõma n paase. (Yɩɩl 8:4, 5) Video ning gom-zug sẽn yaa Les merveilles de la création révèlent la gloire de Dieu wã sõngda kãsembã, kambã, la Biiblã karen-biisã tɩ b bʋgs bũmb kẽer a Zeova sẽn naan zugu, n bãng a yamã, a pãngã, la a nonglmã sõma, tɩ kɩt tɩ b nong-a wʋsgo. Ges-y video kãngã la y mak n leok sogs nins sẽn pʋgdã.

1) Y sã n ges yĩngrã la tẽngã, la y tags bũmb fãa sẽn sigl sõma to-to wã, wãn-to la paasd yãmb nonglmã ne a Zeova? (Ezai 40:26) 2) Bõe la kooma wilgd tõnd Wẽnnaam zugu? (Wil. 14:7) 3) Wãn-to la tẽngã sẽn yaa to-to wã, la a sẽn zãr ne wĩntoogã to-to wã wilgd tõnd t’a Zeova tara yam wʋsgo? 4) Kiuugã yõod yaa bõe? (Yɩɩl 89:38) 5) Wãn-to la a Zeova sẽn naan ninsaal to-to wã wilgd t’a ra ratame tɩ tõnd vɩɩmã yɩ-d noogo? 6) ADN yaa bõe? (Yɩɩl 139:16) 7) Bõe n kɩt tɩ ninsaal yaa toore, a Zeova sẽn naan tɩ be tẽng zugã fãa sʋka? (Sɩng. 1:26) 8) Bõe la yãmb yãgd n na n yã dũni-paalgã pʋgẽ?

Video wã babg a to wã: 9) Sɩnga wãn tɩ kõbg toor-toor wa beẽ? 10) Maana wãn tɩ tɩɩg fõogd koomã tɩ tat hal a vãadã? 11) Koom yõod yaa bõe tõnd yĩngã pʋgẽ? 12) Kõ makr sẽn wilgd tɩ bõn-vɩɩsã toor-toorã tara yõod ne taaba? 13) Maana wãn tɩ bõn-naands kẽer tʋmd b taab neer yĩnga? 14) “Angle d’or” yaa bõe, la bõn-naands bʋs pʋsẽ la d tõe n yãnd-a?

Bʋgsd-y-yã a Zeova bõn-naandsã zug neere: A Zezi sagla tõnd tɩ d “ges bõn-yɩgdse,” la d “tags weoog ruluglɛlmã” yell n dɩk yam. (Mat. 6:26, 28) D sã n maand woto, na n paasa d tẽebã pãnga, n kɩt tɩ d kɩs d Naandã sɩd n paase, la d bãng t’a yamã ka koaka, t’a tara pãng n tõe n kogl-do, la t’a nonglmã me ka to ye. D ra bas tɩ dũni kãngã bãngdbã sẽn tõe n maan bũmb ninsã tiis-d ye. Maan-y y sẽn tõe fãa, n tõog n mi n get a Zeova bõn-naandsã sẽn be yamleoog wʋsgã, la y bʋgsd rẽ sẽn wilgd tõnd bũmb nins a Zeova zugã.—Yɩɩl 19:2.