Yãmb tẽedame tɩ Wẽnnaam naana bũmb fãa rasem a yoob pʋgẽ, tɩ raar fãa kaoos lɛɛr 24 bɩ?

Ayo. A Zeova Kaset rãmbã tẽedame tɩ Wẽnnaam n naan bũmb fãa. La b pa tẽed tɩ yaa rasem a yoob pʋgẽ, tɩ raar fãa kaoosd lɛɛr 24 ye. Bõe yĩnga? Bala, neb wʋsg n tẽed tɩ Wẽnnaam n naan bũmb fãa, tɩ b tagsgã yaool n pa zems ne Biiblã ye. Ad bũmb a yiib sẽn wilgd rẽ:

1. Rasem a yoobã sẽn kaoos to-to. Neb kẽer n tẽed tɩ Wẽnnaam n naan bũmb fãa, la tɩ yaa rasem a yoobe, tɩ raar fãa kaoos lɛɛr 24 pʋgẽ. La Biiblã pʋgẽ, b sã n wa gomd daar yelle, tõe n yaa wakat sẽn wogl yell la b gomda.—Sɩngre 2:4; Yɩɩn-sõamyã 90:4.

2. Tẽngã yʋʋm sõore: Neb kẽer sẽn tẽed tɩ Wẽnnaam n naan bũmb fãa wã, yetame tɩ tẽngã yʋʋm zemsa tus a wãn bala. La Biiblã wilgame tɩ tẽngã ra sɩng n beeme, nand tɩ Wẽnnaam naan bũmb nins fãa sẽn ketã. (Sɩngre 1:1) Woto yĩnga, a Zeova Kaset rãmbã pa kɩɩsd siãnsã bãngdb sẽn wilg tɩ tẽngã sɩng n bee na maan yʋʋm milyaar-dãmbã ye.

A Zeova Kaset rãmbã kɩsa sɩd tɩ Naand n be, la b pa kɩɩsd siãnsã bãngdb ye. Tõnd sak n deegame tɩ siãnsã goam kẽer zemsa ne Biiblã sẽn yetã.