Bũmb kẽer d sẽn nong n zãmsd nebã

A Zeezi yeelame tɩ sũ-tɩrs rãmbã sã n wʋm Biiblã sẽn yet bũmb ningã, b na n sak n deegame tɩ yaa sɩda. (Zã 10:​4, 27) Rẽ wã, y sã n wa sõsd ne neda, bɩ y modg n taas-a Biiblã sẽn yet bũmb ning t’a võor wʋmb yaa nana wã. Sok-y sokre, n paam n wilg-a bũmb Biiblã sẽn yete. Y tõe n sok-a lame yaa: “Yãmb miime tɩ . . . ?” pa rẽ bɩ “Yãmb zoe n wʋma b sẽn yeel tɩ . . . ?” Rẽ poore, bɩ y tũnug ne vɛrse nins sẽn gomd rẽ yellã n sõng-a t’a bãng Biiblã sẽn yet bũmb ninga. D sã n wilg ned Biiblã sẽn yet bũmb ning t’a võor wʋmb yaa nana wã, yaa wa d sẽn bʋd bõn-buud a sũurẽ wã, tɩ Wẽnnaam na n kɩt tɩ bõn-buudã bul n yi n bɩ!—1 Kor. 3:​6, 7.

• Beoog-​daarã

• Zakã

• Wẽnnaam

• Pʋʋsgã

• A Zeezi

• Wẽnnaam Rĩungã

• Namsgã

• Kũumã

• Tũudmã

BEOOG-DAARÃ

1. 1. Yɛl nins sẽn maand masã wã, la neb wʋsg manesmã wilgdame tɩ toeeng n na n zĩnd ka la bilfu.—Mat. 24:​3, 7, 8; Luk 21:​10, 11; 2 Tɩm. 3:​1-5.

2. 2. Tẽngã pa na n tol n sãam a bada.—Yɩɩn. 104:5; Koɛ. 1:4.

3. 3. A Zeova na n lebs n manega bũmb nins fãa ninsaalbã sẽn sãamã.—Eza. 35:​1, 2; Vẽn. 11:18.

4. 4. Nebã fãa na n tara yĩns laafɩ hakɩɩka.—Eza. 33:24; 35:​5, 6.

5. 5. Y tõe n vɩɩmda wakat sẽn kõn sa tẽngã zugu.—Yɩɩn. 37:29; Mat. 5:5.

ZAKÃ

1. 6. Rao segd n “nonga a pag wa a sẽn nong a meng to-to wã.”—Efɛɛ. 5:33; Kolo. 3:19.

2. 7. Pag segd n waooga a sɩd ne a sũur fãa.—Efɛɛ. 5:33; Kolo. 3:18.

3. 8. Pag ne a sɩd pa segd n zãmb taab ye.—Mal. 2:16; Mat. 19:​4-6, 9; Ebre. 13:4.

4. 9. Kamb nins sẽn sakd b roagdbã na n paamame tɩ b vɩɩmã tall barka.—Yel. 1:​8, 9; Efɛɛ. 6:​1-3.

NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.

WẼNNAAM

1. 10. Wẽnnaam tara yʋʋre.—Yɩɩn. 83:18; Zer. 10:10.

2. 11. Wẽnnaam tũnugda ne Biiblã n taasd tõnd koɛɛg sẽn tar yõod wʋsgo.—2 Tɩm. 3:​16, 17; 2 Pɩy. 1:​20, 21.

3. 12. Wẽnnaam pa tũusd neb ye.—Tõo. 10:17; Tʋʋ. 10:​34, 35.

4. 13. Wẽnnaam rat n sõnga tõndo.—Yɩɩn. 46:1; 145:​18, 19.

PƲƲSGÃ

1. 14. Wẽnnaam ratame tɩ d pʋʋsd-a.—Yɩɩn. 62:8; 65:2; 1 Pɩy. 5:7.

2. 15. Biiblã wilgda d sẽn segd n pʋʋs to-to.—Mat. 6:​7-13; Luk 11:​1-4.

3. 16. D segd n pʋʋsda wakat fãa.—Mat. 7:​7, 8; 1 Tes. 5:17.

A ZEEZI

1. 17. A Zeezi ra yaa karen-saam-sõngo. A saglsã nafd-d-la wakat fãa.—Mat. 6:​14, 15, 34; 7:12.

2. 18. A Zeezi pĩnd n togsa yɛl nins sẽn maand rũndã-rũndã wã.—Mat. 24:​3, 7, 8, 14; Luk 21:​10, 11.

3. 19. A Zeezi yaa Wẽnnaam Bi-ribla.—Mat. 16:16; Zã 3:16; 1 Zã 4:15.

4. 20. A Zeezi pa Wẽnnaam sẽn yaa pãng sẽn ka to soabã ye.—Zã 14:28; 1 Kor. 11:3.

Based on NASA/Visible Earth imagery

WẼNNAAM RĨUNGÃ

1. 21. Wẽnnaam Rĩungã yaa goosneema sɩd-sɩd sẽn be saasẽ.—Dãn. 2:44; 7:​13, 14; Mat. 6:​9, 10; Vẽn. 11:15.

2. 22. Wẽnnaam Rĩungã na n ledga ninsaalbã goosneema-rãmbã fãa.—Yɩɩn. 2:​7-9; Dãn. 2:44.

3. 23. Wẽnnaam Rĩungã bal n tõe n wa ne ãdem-biisã zu-loeesã tɩɩm.—Yɩɩn. 37:​10, 11; 46:9; Eza. 65: 21-23.

NAMSGÃ

1. 24. Pa Wẽnnaam n kɩt tɩ tõnd namsdẽ ye.—Tõo. 32:4; Zak 1:13.

2. 25. A Sʋɩtãan n yaa dũniyã naaba.—Luk 4:​5, 6; 1 Zã 5:19.

3. 26. Wẽnnaam nee y sẽn namsdã, n dat n sõng-yã.—Yɩɩn. 34:​17-19; Eza. 41:​10, 13.

4. 27. Ka la bilfu, Wẽnnaam na n kɩtame tɩ namsgã sa.—Eza. 65:17; Vẽn. 21:​3, 4.

KŨUMÃ

1. 28. Sẽn ki-bã pa le mi bũmb ye. B pa namsd ye.—Koɛ. 9:5; Zã 11:​11-14.

2. 29. Sẽn ki-bã pa tõe n sõng tõnd bɩ n maan-d wẽng ye.—Yɩɩn. 146:4; Koɛ. 9:​6, 10.

3. 30. D nin-nongds nins sẽn ki wã na n wa vʋʋgame.—Zoob 14:​13-15; Zã 5:​28, 29; Tʋʋ. 24:15.

4. 31. ‘Kũum pa na n le zĩnd ye.’—Vẽn. 21:​3, 4; Eza. 25:8.

TŨUDMÃ

1. 32. Pa tũudmã fãa n tat Wẽnnaam yam ye.—Zer. 7:11; Mat. 7:​13, 14, 21-23.

2. 33. Wẽnnaam kisa pʋ-lika.—Eza. 29:13; Mis. 3:11; Mark 7:​6-8.

3. 34. Nonglem hakɩɩkã n sõngd tɩ b bãng kiris-neb hakɩɩkã n bake.—Mis. 4:3; Zã 13:​34, 35.