Burkĩndi
Burkĩnd yaa bõe?
Yɩɩn. 18:23-25; 26:1, 2; 101:2-7; 119:1-3, 80
Biiblã kibay sẽn tõe n sõng-yã:
Maan. 22:17-22: A Zeova ra yeelame tɩ rũms nins b sẽn kʋʋd n maan maandã pa segd n tall zams ye. Ebre gom-bil ning b sẽn lebg Biiblã pʋgẽ tɩ “pa segd n tall zanga” tara loees ne Ebre gom-bil ning b sẽn lebg tɩ “burkĩndã.” Yɩ burkĩn rat n yeelame tɩ tũ a Zeova ne f sũur fãa.
Zoob 1:1, 4, 5, 8; 2:3: A Zoob vɩɩmã kibar wilgdame tɩ ned sã n dat n yɩ burkĩna, a segd n waoogda a Zeova ne a sũur fãa, n tũud-a ne a sũur fãa la a zãagd a meng ne bũmb ning sẽn yaa wẽng a nifẽ.
Bõe yĩng tɩ d segd n yɩ burkĩmba?
Bõe n tõe n sõng-d tɩ d kell n yɩ burkĩmba?
Ges-y Yel. 27:11; 1 Zã 5:3.
Bõe la d tõe n maan n kell n paas d burkĩndã pãnga?
Ges-y Tõo. 5:29; Eza. 48:17, 18.
Biiblã kibay sẽn tõe n sõng-yã:
Zoob 31:1-11, 16-33: A Zoob wilga a daar fãa vɩɩmã pʋgẽ t’a yaa burkĩna. A ra zãagda a meng ne sẽn yaa wẽnga, n maand a taabã neer la a nand-ba. A ra tũuda a Zeova a ye tãa. A ra pa pʋʋsd bõn-naands ye. A wilgame me tɩ yẽ ne Wẽnnaam zoodã n tar yõod n yɩɩd a arzɛgsã.
Dãn. 1:6-21: Baa a Dãniyɛll ne a tũud-n-taas a tãabã sẽn da be ne neb sẽn pa tũud a Zeova wã, b kell n yɩɩ burkĩmba, baa rɩɩbã wɛɛngẽ.
Ned sã n beeg a Zeova naoor wʋsgo, a tõe n le yɩɩ burkĩn bɩ?
Biiblã kibay sẽn tõe n sõng-yã:
1 Rĩm. 9:2-5; Yɩɩn. 78:70-72: Rĩm a Davɩɩd sẽn tek yam n kos sugrã yĩnga, a Zeova kõ-a-la sugri, la a ges-a wa ned sẽn yɩ burkĩn a vɩɩmã tõre.
Eza. 1:11-18: Baa ne a Zeova sẽn da yeel t’a nin-buiidã yaa pʋ-lik rãmb la b tʋmd tʋm-wẽns wʋsgã, a pʋlmame tɩ b sã n tek yam n toeem b yel-manesmã, a na n yẽesa b yel-wẽnã zãnga.