Yel-wẽnde
Yel-wẽnd yaa bõe, la bõe yĩng tɩ tõnd fãa yaa yel-wẽn-maandba?
Wãn to la Biiblã sõngd tõnd tɩ d bas d yam tɩ d tõe n maoo ne d tʋls-wẽnsã?
Biiblã kibay sẽn tõe n sõng-yã:
2 Sãm. 11:2-5, 14, 15, 26, 27; 12:1-13: Rĩm a Davɩɩd maana yel-wẽn-kãsemse. A Zeova kibl-a lame, t’a sak n tek yam n kos sugr ne a sũur fãa.
Rom. 7:15-24: Tẽn-tʋmd a Poll kõo mak-sõng tẽebã wɛɛngẽ, la tũ Wẽnnaam ne f sũur fãa wã wɛɛngẽ. La a bilga yẽ mengã sẽn da maood ne a tʋls-wẽnsã to-to.
Bõe yĩng tɩ neb wʋsg maand yel-wẽna?
Ned sã n mi tɩ bũmb ning maaneg yaa wẽnga, la a baas n ket n maandẽ, bõe yĩng tɩ yaa yell meng-menga?
Bõe la a Sʋɩtãan tõe n tũnug ne n mak a Zeova nin-buiidã tɩ b maan yel-wẽnde?
Yel. 1:10, 11, 15; Mat. 5:28; Zak 1:14, 15
Biiblã kibay sẽn tõe n sõng-yã:
Sɩng. 3:1-6: A Sʋɩtãan tũnuga ne waaf n belg a Awa t’a lʋɩɩs a tʋls-wẽnsã pidsg taoore, la a pa le kɩs a Zeova sɩd zãng ye.
Yel. 7:6-10, 21-23: Rĩm a Salomo goma bi-bɩɩg sẽn pa tar yam sẽn bas tɩ pʋg-yoodr tõog n belg-a yelle.
Bõe la d tõe n maan n tõog n gil a Sʋɩtãan bẽdsã?
Efɛɛ. 4:27; 6:10-18; Zak 4:7, 8
Biiblã kibay sẽn tõe n sõng-yã:
Yel. 5:1-14: Wa ba sẽn sagend a biig to-to wã, a Zeova vẽnega Rĩm a Salomo t’a kõ sagls sẽn wilgd d sẽn segd n zãag d mens ne yoobã võore, la d sẽn tõe n maan rẽ to-to wã.
Mat. 4:1-11: A Zeezi tũnuga ne Wẽnnaam Gomdã n tõog n gil a Sʋɩtãan bẽdsã.
Kiris-nebã segd n zãaga b mens ne yel-wẽn-kãsemse. Bãmb kẽer la bʋse?
Ges-y “Minim-wẽnse.”
Vẽneg yel-wẽnd n togse
Bõe yĩng tɩ d pa segd n bao n na n solg d yel-wẽnã?
Ãnd dãmb la tõnd segd n vẽneg d yel-wẽnã n togse?
Ãnda la tõnd ‘sõangda,’ n yõkd a Zeova sɛɛg tõnd yĩnga?
Yel-wẽn-maand tʋʋm-tʋmdɩ tõe n wilgame t’a teka yam n kos sugr bɩ?
Ges-y “Tek yam n kos sugri.”
Biiblã kibay sẽn tõe n sõng-yã:
Yik. 22:1-12: A Moyiiz Tõogã pʋgẽ, b ra wilgame tɩ ned sã n zuk a to bũmbu, a segd n dolame.
Luk 19:8, 9: A Zaase sẽn da yaa yõor-yaood dɛɛgdbã taoor soab a ye wã wilgame t’a teka yam n kos sugri, n toeem a manesmã. A lebsa bũmb nins a sẽn da reeg nebã nengẽ ne pãngã.
Bõe yĩng tɩ d tõe n kɩs sɩd zãng-zãng t’a Zeova kõta sugri?
Ges-y “Sugr kũuni.”
Ned sã n maan yel-wẽn-kãsenga, ãnd dãmb la a Zeova yãk tɩ b na n sõng a soabã, la b kogl tigingã nebã?
Ges-y Tʋʋ. 20:28; Gal. 6:1.
Ned sã n maan yel-wẽn-kãsenga, wãn to la rẽ tõe n nams a zakã rãmba, wall tigingã neb a taabã?
Ges-y Tõo. 29:18.
Biiblã kibay sẽn tõe n sõng-yã:
Zoz. 7:1-13, 20-26: A Akã kɩtame tɩ yel-beed paam Israyɛll nebã. A maana yel-wẽn-kãsenga, n da baood n na n solge.
Zon. 1:1-16: No-rɛɛs a Zonas sẽn kɩɩs a Zeova wã yĩnga, a ninga yẽ mengã la neb nins sẽn da be ne-a koom-koglgã pʋgẽ wã vɩɩm yell pʋga.
1 Kor. 5:1-7: Tẽn-tʋmd a Poll vẽnega Korẽnt tigingã ned yel-wẽn-kãseng sẽn da sãamd tigingã yʋʋre.
Bõe yĩng tɩ d pa tol n segd n bas tɩ b sẽn na n kibl tõndã rabeemã kɩt tɩ d pa bao kãsem-dãmbã sõngre?
Bõe yĩng tɩ d segd n sak n deeg t’a Zeova kõ-d-la sugri, la d ra ket n sãamd d sũur d pĩnd yel-wẽnd yĩnga?
Ges-y “Sugr kũuni.”
Ned sã n maan yel-wẽn-kãseng tɩ tõnd bãnge, bõe yĩng tɩ d segd n yeel a soabã t’a tɩ togs tigingã kãsem-dãmbã, la d bao n bãng a sã n sɩd tɩ togsame?
Biiblã kibay sẽn tõe n sõng-yã:
Tõo. 13:6-9; 21:18-20: A Moyiiz tõogã pʋgẽ, ra yaa tɩlɛ tɩ ned vẽneg a roagd wall a zo-nongr yel-wẽn-kãseng n togse.