Ba-rãmbã
Bõe la ba segd n maan a zak rãmb yĩnga?
Tõo. 6:6, 7; Efɛɛ. 6:4; 1 Tɩm. 5:8; Ebre. 12:9, 10
Biiblã kibay sẽn tõe n sõng-yã:
Sɩng. 22:2; 24:1-4: A Abrahaam ra nonga a Izaak wʋsgo, hal n maan a sẽn tõe fãa n sõng-a t’a paam pag sẽn tũud a Zeova.
Mat. 13:55; Mark 6:3: B ra boonda a Zeezi tɩ “ra-wãadã biiga,” la “ra-wãadã.” Rẽ wilgdame t’a Zozɛf zãmsa a biigã tʋʋm-kãng sẽn tar yõodã.
Bõe yĩng tɩ biig segd n waoog a ba la a nong-a?
Ges-y Mat. 6:9.
Biiblã kibay sẽn tõe n sõng-yã:
Ooze 11:1, 4: A Zeova kõo ba-rãmbã mak-sõng sẽn na yɩl n wilg t’a nong-b lame la a nand-ba. Wala makre, a zãmsda a nin-buiidã bũmb toor-toore, la a get b yell ne bʋgsem wa ba sẽn maand to-to ne a kamba.
Luk 15:11-32: A Zeezi rɩka makr n wilg d saasẽ Ba a Zeova sẽn zoet neb nins sẽn maan yel-wẽnd n tek yam n kos sugrã nimbãaneg to-to, tɩ wilgdẽ tɩ yẽ me nanda ba-rãmbã la a nong-ba.