Nimbãan-zoeere
Sẽn na yɩl n wilg nimbãan-zoeere, zʋg-sõma bʋs me la d segd n talle?
Biiblã kibay sẽn tõe n sõng-yã:
Yɩɩn. 51:1, 2: Rĩm a Davɩɩd sẽn wa n kot a Zeova t’a zoe a nimbãanegã, a ra kot-a lame me t’a kõ-a a yel-wẽnã sugri, la a yɩlg-a n yiis a yel-wẽndã.
Luk 10:29-37: A Zeezi goma Samari rao sẽn maan Zʋɩf neer to-to wã yelle, n na n sõng-d tɩ d bãng d sẽn tõe n wilg to-to tɩ d zoeta d taabã nimbãanega.
Bõe yĩng tɩ yaa tɩlɛ tɩ ninsaalbã fãa paam tɩ b zoe-b nimbãanega?
Bõe n wilgd t’a Zeova yaa nimbãan-zoɛta?
Yik. 34:6; Nee. 9:17; Yɩɩn. 103:8; 2 Kor. 1:3
Biiblã kibay sẽn tõe n sõng-yã:
Zoob 42:1, 2, 6-10; Zak 5:11: A Zeova zoee a Zoob nimbãanega, la a wilg-a tɩ yẽ me segd n zoee a taabã nimbãanega.
Luk 15:11-32: A Zeezi wẽe yel-bũnd n gom ba manesem sẽn yɩ to-to ne a bi-tõtr sẽn tek yam n kos sugr yelle, n na n wilg tõnd a Zeova nimbãan-zoeerã.
Bõe yĩng t’a Zeova zoet d nimbãanega?
Ges-y Tɩt 3:4, 5.
Wãn to la Kiristã kũumã sẽn yɩ maoongã sõngd tõnd tɩ d paamd d yel-wẽnã sugri?
Bõe yĩng tɩ d segd n kot a Zeova t’a zoe d nimbãanega, la d tẽegd n pʋʋsd-a bark rẽ yĩnga?
Biiblã kibay sẽn tõe n sõng-yã:
Yɩɩn. 51:1-4: Rĩm a Davɩɩd sũur da sãama wʋsg a yel-wẽnã yĩnga, t’a sik a meng n kos a Zeova t’a zoe a nimbãanega.
Luk 18:9-14: A Zeezi wẽe yel-bũnd n wilg t’a Zeova zoeta neb nins sẽn sakd n deegd b kongrã nimbãanega.
Bõe yĩng tɩ baa neb nins sẽn maan yel-wẽn-kãsemsã tõe n paam t’a Zeova zoe-b nimbãanega?
Biiblã kibay sẽn tõe n sõng-yã:
2 Kib 33:9-13, 15: Baa ne a Manase sẽn da yaa rĩm-wẽng meng-mengã, a teka yam n kos a Zeova t’a zoe a nimbãaneg n kõ-a sugri. A Zeova lebs-a-la a naamẽ wã. Rẽ poore, a Manase wilga ne a manesmã t’a sɩd teka yam.
Zon. 3:4-10: Baa ne Niniiv nebã sẽn da yaa nen-kɛglem dãmb la b kʋʋd nebã, b teka yam n kos sugr n paam tɩ Wẽnnaam zoe b nimbãanega.
Bõe yĩng tɩ d segd n vẽneg d yel-wẽnã n togs a Zeova, la d tek yam n paam t’a zoe d nimbãanega?
Baa a Zeova sã n zoe d nimbãaneg n kõ-d d yel-wẽnã sugri, d pa tõe n gil sɩbgrã wall zu-loees nins d yel-wẽndã sẽn na n wa ne wã ye.
Bõe yĩng tɩ d segd n yɩ nimbãan-zoɛtba?
D sã n pa nimbãan-zoɛta, tõe n kɩtame tɩ tõnd ne a Zeova zoodã lebg wãn to?
Ges-y Yel. 21:13.
Biiblã kibay sẽn tõe n sõng-yã:
Mat. 18:23-35: A Zeezi wẽe yel-bũnd n wilg tɩ ned sã n pa zoet a taabã nimbãanega, a Zeova me pa na n zoe a soabã nimbãaneg ye.
Luk 10:29-37: A Zeezi yel-bũnd a ye neb wʋsg sẽn mi n wilgd t’a Zeova ne a Zeezi sũur pa noom ne neb nins sẽn pa zoet b taabã nimbãanegã, la tɩ b sũur nooma ne neb nins sẽn zoet b taabã nimbãaneg wa Samari raoã.