E pohuˈe hakaˈua uanei te poˈi mamate?
E peˈau uanei ˈoe . . .
e?
ˈaˈoˈe?
e oti?
PAHONOˈIA A TE PIPIRIA
“E haˈatu pohoˈe hakaˈua.”—Hana 24:15, Te Piˈimau Hou.
E AHA TE HAˈAVIVINI NO ˈOE?
E tuku atu tenei tekao tohu:
Te haˈaekaˈeka ˈia mate tei kaohaˈia.—2 Korinetia 1:3, 4.
Te haˈakoˈeˈia o te haˈametaˈu o te mate.—Hepereo 2:15.
Te tataˈiˈia no te haˈatutuki hakaˈua me te poˈi tahia i mate.—Ioane 5:28, 29.
E KOAKA UANEI TE HAˈATIˈA I TE TEKAO A TE PIPIRIA?
E, e toˈu maˈakau:
O te Etua te tumu o te pohuˈeˈia. Vaˈana te Pipiria, ˈo Iehova “te tumu o [te] pohoˈe.” (Taramo 36:10; Hana 17:24, 25) Me te mea na Ia i pepena te mea paotu e koaka ˈia ia e haˈapohuˈe mai te poˈi mamate.
ˈOmua, ua haˈapohuˈe hakaˈua te Etua te tau enana. Ena e vaˈu tekao ta te Pipiria e peˈau pohuˈe hakaˈua mai te poˈi hou, vahana, vehine i ˈuka o te henua. Ua mate atu aˈa titahi ˈatika titahi enana e ha ˈa i ˈoto o te ana!—Ioane 11:39-44.
E haˈakoi nei te Etua mea hua ma te tumu. Mea haˈahaˈa Iehova i te mate; e enemi te mate no ia. (1 Korinetia 15:26) E haˈakaˈo nui ia te mate ma ˈoto te pohuˈeˈia hakaˈua. E tiaki nei Iehova te ava mea haˈahua mai te poˈi i ˈoto o to ia maˈakau mea ˈite ˈia atou no te pohuˈe hakaˈua i ˈuka o te henua.—Iope 14:14, 15.
NO TE HAˈAHOHONU
No te aha tatou e koˈoua ai, e mate ai?
E pahono te Pipiria tenei uiˈia i ˈoto te TENETE 3:17-19 me te ROMA 5:12.