Библи ямар ном бэ?
Таны бодлоор ...
хүний зохиосон ном уу?
үлгэрийн ном уу?
Бурхны бичүүлсэн ном уу?
БИБЛИД ЮУ ГЭЖ БАЙДАГ ВЭ?
«Судар бүр Бурханы амьсгалснаар байгаа» (2 Тимот 3:16, «Ариун Библи 2004»).
ТАНД ЯМАР АШИГТАЙ ВЭ?
Амин чухал асуултын хариу байдаг (Сургаалт үгс 2:1–5).
Өдөр тутмын амьдралд хэрэгтэй зөвлөгөө бий (Дуулал 119:105).
Ирээдүйдээ итгэх итгэл найдвар төрүүлдэг (Ром 15:4).
БИБЛИД ИТГЭХ ҮНДЭС БИЙ ЮҮ?
Бий. Гурвыг дурдвал:
Уялдаа сайтай. Библийг 1 600 жилийн хугацаанд 40 орчим хүн бичсэн. Ихэнх нь бие биетэйгээ уулзаж байгаагүй ч тэдний бичсэн судрууд хоорондоо гайхалтай уялдан зохицдог бөгөөд нэг л гол сэдэвтэй.
Түүхийг үнэнээр нь өгүүлсэн. Түүхчид ард түмнийхээ алдаа дутагдлыг нууж хаах нь олонтаа. Харин Библийг бичигчид элэг нэгтнүүдийнхээ төдийгүй өөрсдийнхөө алдааг илэн далангүй бичсэн байдаг (Шастирын дэд 36:15, 16; Дуулал 51:1–4).
Зөгнөл нь баараггүй биелдэг. Эртний Вавилон хот мөхөхийг 200 орчим жилийн өмнө Библид зөгнөжээ (Исаиа 13:17–22). Хэн гэдэг жанжнаар удирдуулсан арми хэрхэн сүйрүүлэхийг ч хэлсэн (Исаиа 45:1–3).
Библид байдаг өөр олон зөгнөл нэгд нэгэнгүй биелсэн. Үнэхээр Бурхны бичүүлсэн ном биш гэж үү? (2 Петр 1:21).