Salm

137 Aħna qgħadna bilqiegħda ħdejn ix-xmajjar taʼ Babilonja.

Tgħidx kemm bkejna meta ftakarna f’Sijon.

2 F’nofsha* dendilna l-arpi tagħna

Mas-siġar tal-luq.

3 Hemmhekk dawk li kienu qed iżommuna priġunieri riduna nkantawlhom,

Dawk li bdew iwaqqgħuna għaċ-ċajt riedu jiddieħqu bina u qalulna:

“Kantawlna waħda mill-għanjiet taʼ Sijon.”

4 Kif nistgħu nkantaw l-għanja taʼ Ġeħova

F’art barranija?

5 Jekk ninsa lil Ġerusalemm,

Jalla ma nkun nistaʼ nagħmel xejn b’idi l-leminija.*

6 Jalla lsieni jeħel mas-saqaf taʼ ħalqi,

Jekk ma niftakarx lil Ġerusalemm,

Jekk ma nqishiex iktar importanti

Minn kull ħaġa oħra li tferraħni.

7 Ġeħova, ftakar x’qalu l-Edomin dakinhar li waqgħet Ġerusalemm:

“Ħarbtuha! Ħarbtuha sal-pedamenti tagħha!”

8 Ferħan se jkun dak li jittratta lill-belt taʼ Babilonja,

Li daqt se tinqered,

Bl-istess mod li hi ttrattat lilna.

9 Ferħan se jkun dak li jaqbad lit-tfal tagħha

U jfarrakhom mal-blat.