Salm

Se nfaħħrek bil-kant

Quddiem allat oħrajn.*

 2 Se mmil lejn it-tempju* qaddis tiegħek,

U se nfaħħar lil ismek,

Għax int leali u tħobbna.

 3 Dakinhar li għajjattlek għall-għajnuna, int wiġibtni;

Int għentni nkun kuraġġuż* u b’saħħti.

 4 Ġeħova, ir-rejiet kollha tal-art se jfaħħruk,

Għax huma se jkunu semgħu l-wegħdi li għamilt int.

 5 Huma se jkantaw dwar l-affarijiet li għamel Ġeħova,

Għax il-glorja taʼ Ġeħova hi kbira.

 6 Għalkemm Ġeħova hu fl-għoli, hu jagħti kas lill-umli,

Imma l-kburin ma jsirx ħabib tagħhom.*

Int tuża l-qawwa tiegħek kontra l-għedewwa rrabjati tiegħi;

Se ssalvani b’idek il-leminija.