Int Se Tagħmilha r-​Rieda taʼ Ġeħova?

Grazzi talli ħadt il-​ħin biex teżamina dan il-​browxer sabiex issir taf min huma x-​Xhieda taʼ Ġeħova, biex titgħallem dwar l-​attivitajiet tagħna, u biex tara l-​organizzazzjoni tagħna fl-​azzjoni. Nittamaw li għenek tidentifikana bħala l-​uħud li qed jagħmlu r-​rieda taʼ Ġeħova llum. Ninkuraġġuk tkompli tieħu għarfien dwar Alla, tgħid lill-​kumplament taʼ qrabatek u ħbiebek dwar dak li qed titgħallem, u tassoċja b’mod regulari magħna fil-​laqgħat Kristjani tagħna.—Ebrej 10:23-​25.

Se tirrealizza li iktar kemm titgħallem dwar Ġeħova iktar se tara kemm verament iħobbok. Imbagħad min-​naħa tiegħek se tagħmel l-​almu kollu tiegħek biex turi mħabbtek għalih. (1 Ġwanni 4:8-​10, 19) Imma kif tistaʼ turi l-​imħabba tiegħek lejn Alla bil-​mod kif tgħix ħajtek? Għala jkun għall-​ġid tiegħek li tobdi l-​livelli morali tiegħu? U x’se jgħinek tkun trid tagħmel ir-​rieda t’Alla flimkien magħna? L-​għalliem tiegħek tal-​Bibbja jieħu pjaċir jiskopri t-​tweġibiet miegħek ħalli int u familtek ‘iżżommu ruħkom fl-​imħabba t’Alla, bil-​ħajja taʼ dejjem quddiem għajnejkom.’—Ġuda 21.

Minn qalbna nistidnuk biex tkompli tagħmel progress fit-triq tal-verità billi wara dan tistudja l-ktieb “Żommu Ruħkom fl-Imħabba t’Alla”