Mistoqsijiet Mingħand il-Qarrejja
◼ Ġesù għala wiegħed li dawk li jpoġġu fidi fih ‘ma kienu se jmutu qatt assolutament,’ meta fil-fatt dawk kollha li semgħuh mietu?—Ġwann 11:25, 26.
Meta Ġesù tkellem dwar li wieħed ma jmutx, jew li jgħix għal dejjem, hu b’mod ċar ma fissirx li dawk li semgħuh dak in-nhar qatt ma kienu se jgħaddu mill-mewt umana. II-punt bażiku li Ġesù kien qed jagħmel kien li l-fidi fih setgħet twassal għall-ħajja taʼ dejjem.
Darba minnhom, Ġesù sejjaħ lilu nnifsu “il-ħobż tal-ħajja.” Imbagħad żied: “Dan hu l-ħobż li jinżel mis-sema, biex kulħadd jistaʼ jiekol minnu u ma jmutx. Jiena l-ħobż ħaj li niżel mis-sema; jekk xi ħadd jiekol minn dan il-ħobż se jgħix għal dejjem.”−Ġwann 6:43-51.
Billi jħares biss lejn dawk il-kelmiet wieħed jistaʼ jikkonkludi li Ġesù kien qed igħid lill-udjenza tiegħu li setgħu jevitaw l-esperjenza tal-mewt. II-kuntest, madankollu, ma jappoġġjax dik il-konklużjoni. Ġesu kien għadu kif qal: “Din hi r-rieda taʼ dak li bagħatni, li m’għandi nitlef xejn minn dak kollu li tani imma li jien għandi nirxoxtah fl-aħħar jum.... Kulmin jilmaħ lill-lben u jeżerċita fidi fih għandu jkollu l-ħajja taʼ dejjem, u jien se nirxoxtah fl-aħħar jum.... Ebda bniedem ma jistaʼ jiġi għandi jekk il-Missier, li bagħatni, ma jiġbdux; u jien se nirxoxtah fl-aħħar jum.” (Ġwann 6:39-44) U iktar tard huwa żied: “Dak li jiekol minn laħmi u jixrob demmi għandu l-ħajja taʼ dejjem, u jien se nirxoxtah fl-aħħar jum.” (Ġwann 6:54) Għaldaqstant, il-wegħda taʼ Ġesù taʼ ‘li wiehed igħix għal dejjem’ ma tistax b’mod iġġustifikat tiġi mifhuma li tfisser li dawk li semgħuh ma kienu qatt se jesperjenzaw il-mewt.
Tixbah lil dik il-wegħda magħrufa tajjeb li Ġesù għamel lil Martha: “Jien hu l-irxoxt u l-ħajja. Min jeżerċita fidi fija, saħansitra għalkemm imut, se jieħu l-ħajja; u kulmin qiegħed igħix u jeżerċita fidi fija ma se jmut qatt assolutament.” (Ġwann 11:25, 26) Ġesù ovvjament ma riedx ifisser, per eżempju, li l-appostli lejali ma kienu se jmutu qatt bħalma kienu se jmutu bnedmin oħra. Fi żmien sena, kellhom jiġu midlukin bl-ispirtu qaddis u kellhom jiġu mogħtija t-tama taʼ li jsaltnu bħala slaten fis-sema. Biex jirċievu dak ir-rigal, riedu bil-fors imutu bħala bnedmin. (Rumani 8:14-23; 1 Korintin 15:36-50) U nnota li Ġesù kien qal: “Min jeżerċita fidi fija, saħansitra għalkemm imut, se jieħu l-ħajja.”
Il-wegħda taʼ Ġesù se tiġi mwettqa lejn il-qaddejja devoti taʼ Alla li għexu u mietu qabel iż-żmien meta l-ħajja taʼ dejjem tibda biex tiġi pprovduta. Uħud lejali bħal dawn qegħdin jistennew irxoxt futur. Billi jibqgħu lejali wara li jiġu rxoxtati, huma qatt ma se jesperjenzaw “it-tieni mewt,” il-mewt eterna.—Rivelazzjoni 20:15; 21:8; Ġwann 8:51.
Iżda l-profezija tal-Bibbja tindika li aħna llum għandna opportunità speċjali. Billi qed ingħixu fil-konklużjoni tas-sistema taʼ affarijiet, nistgħu nsalvaw mit-“tribulazzjoni l-kbira” li ġejja u ngħaddu dritt għal ġod-dinja l-ġdida. Uħud bħal dawn li għandhom it-tama taʼ ħajja taʼ dejjem f’ġenna tal-art u li jżommu l-lejaltà tagħhom lejn Alla mhux se jkollhom jesperjenzaw il-mewt umana assolutament. Billi jsalvaw mit-“tribulazzjoni l-kbira,” se jiġu ggwidati “lejn għejjun taʼ ilmijiet tal-ħajja.”−Rivelazzjoni 7:9-17.
[Stampa f’paġna 16]
Il-kliem taʼ Ġesu lil Martha li kienet tant imnikkta jagħtina tama taʼ ħajja eterna.