Konvenzjoni “Straordinarja” Mfaħħra

ANNUNZJATUR tar-​radju f’Lima, il-​Perù, kellu dubji serji dwar ix-​Xhieda taʼ Jehovah. Wara li attenda waħda mill-​konvenzjonijiet distrettwali tagħhom, madankollu, l-​attitudni tiegħu nbidlet mil-​lejl għan-​nhar. Fil-​fatt, kien tant impressjonat li għamel xi kummenti favorevoli lill-​udjenza tiegħu fuq ir-​radju. Dawn li ġejjin huma xi siltiet minn dak li qal:

“Il-​konvenzjoni kienet sempliċement straordinarja. Ma kienx hemm biċċa karta fl-​art, lanqas xi bejjiegħ idur. Ma kienx hemm traffiku ġġammjat. Ħamest elef u mitejn ruħ marru l-​istejdjum bi spejjeż tagħhom, kull wieħed armat b’barmil, biċċa, daster, pala, xkupa, broxk, ingwanti, u deterġent biex jaħsel u jogħrok dak il-​post. Fejn kien hemm bżonn taʼ żebgħa huma qabdu u żebgħu. U l-​flus minn fejn ġew? Minn għandhom stess! Meta jiġu informati dwar xi ħaġa li għandha ssir, kull wieħed minnhom immedjatament idaħħal idu fil-​but biex jagħti. Taf x’naf, il-​Knisja Kattolika rieqda raqda sew meta niġu għal affarijiet bħal dawn. Nixtieq nifirħilhom lix-​Xhieda taʼ Jehovah u lill-​koordinaturi taʼ din il-​ġrajja. U minn qiegħ qalbi nixtieq ngħidilhom, Jalla Alla jgħinkom u jberikkom.”

Fi bliet madwar id-​dinja dis-sena, ix-​Xhieda taʼ Jehovah se jgawdu l-​konvenzjoni distrettwali “Il-​Mod taʼ Ħajja t’Alla.” Se tkun preżenti int?

[Kumment f’paġna 32]

“Ma kienx hemm biċċa karta fl-​art”