“Hija l-​Aħjar Ħaġa li Tistaʼ Tiġrilek”

ALEXIS hu tifel taʼ ħames snin mill-​belt taʼ Morelia, fil-​Messiku. Il-​ġenituri tiegħu jistudjaw il-​Bibbja u jattendu l-​laqgħat tax-​Xhieda taʼ Jehovah. Waqt li kien qed jattendi assemblea tas-​circuit mal-​familja tiegħu, hu kien attent jara turija dwar l-​ippridkar minn dar għal dar. F’daqqa waħda dar lejn missieru u staqsieh, “Papà, Papà, int għala ma tmurx tippriedka?” Missieru wieġbu, “Jien għadni qed nistudja ħalli nkun nistaʼ nagħmel dan.” Alexis wieġbu b’entużjażmu, “Papà, hija l-​aħjar ħaġa li tistaʼ tiġrilek.”

Dan it-​tfajjel ra l-​ħtieġa li jaġixxi fi qbil maʼ l-​għarfien li kellu dwar Jehovah. Peress li xi ftit mill-​kuġini żgħar tiegħu jgħixu fl-​istess dar miegħu, l-​ewwel talab lil Jehovah u mbagħad kellimhom dwar dak li kien tgħallem bl-​għajnuna tal-​ġenituri tiegħu mill-​Ktieb Tiegħi taʼ Stejjer mill-​Bibbja. Għalkemm kien għadu ma jafx jaqra, Alexis kien jaf sew x’kien fih il-​ktieb mill-​istampi li kien hemm f’kull storja. Saħansitra qal li ried iżur lin-​nies fi djarhom biex jaqsam magħhom dak li kien qed jitgħallem dwar l-​iskopijiet t’Alla.

Tabilħaqq, kemm iż-​żgħar u kemm il-​kbar jistgħu jġibu ħajjithom fi qbil maʼ dak li jistenna minnhom Jehovah, “il-​Qaddis,” u b’hekk ikollhom l-​aqwa privileġġ li jagħtu xiehda dwaru fost il-​ġnus. (Isaija 43:3; Mattew 21:16) Bla dubju, din hija l-​aħjar ħaġa li tistaʼ tiġrilek.