L-​Interess fil-​Bibbja Ġie Apprezzat

MARIANNA, waħda mix-​Xhieda taʼ Ġeħova li toqgħod fin-​nofsinhar taʼ l-​Italja, għandha 18-il sena u qiegħda fl-​aħħar sena skolastika tagħha. Hi tattendi l-​iskola maʼ xi żgħażagħ Xhieda oħra.

“Għal xi snin issa,” tikteb Marianna, “xi wħud minna naqraw it-​test tal-​Bibbja mill-​ktejjeb Neżaminaw l-​Iskrittura Kuljum waqt il-​brejk. L-​uniku post fejn stajna nagħmlu dan kien fil-​kurituri ħdejn il-​kmamar taʼ l-​għalliema. Ma tantx kien ikun hemm kwiet. Ħafna mill-​għalliema kienu jarawna hekk kif kienu jkunu għaddejjin, u xi wħud minnhom kienu jieqfu jaraw x’konna qegħdin nagħmlu. Ħafna drabi dan tana l-​opportunità nwieġbu l-​mistoqsijiet tagħhom. Kważi kuljum kien jieqaf xi għalliem jew għalliema. Diversi wħud waqfu jisimgħu d-​diskussjonijiet tagħna tat-​test mill-​Bibbja u wrew apprezzament għall-​interess li aħna x-​Xhieda għandna fl-​affarijiet spiritwali. Darba, l-​assistent tas-​surmast stidinna nagħmlu d-​diskussjoni tagħna fil-​kamra fejn ikun hemm l-​għalliema.

“Wara li ra fejn konna qed naqraw it-​test tal-​ġurnata, l-​għalliem tiegħi staqsa lis-​surmast jekk stajniex noqogħdu f’xi waħda mill-​klassijiet għall-​kwiet. Is-​surmast tana l-​permess, u lgħalliem faħħarna quddiem il-​klassi kollha minħabba l-​eżempju tajjeb li nagħtu. Ilkoll kemm aħna ninsabu ferħanin minħabba l-​privileġġ kbir li Ġeħova tana.”