L-​Isem t’Alla fil-​Mużika Russa

FL-​1877, Modest Mussorgsky, kompożitur Russu magħruf sew, ippubblika biċċa xogħol bil-​kor ibbażata fuq rakkont li seħħ fl-​artijiet Bibliċi. Hu kiteb lil sieħbu u qallu: “Jien ktibt xena Biblika dwar Jesus Navinus [Joshua], ibbażata kollha kemm hi fuq il-​Bibbja u saħansitra segwejt ir-​rotta tar-​rebħiet vittorjużi taʼ Navinus f’Kangħan.” F’kompożizzjonijiet oħrajn, inkluż “Il-​Qerda taʼ Sanħerib,” Mussorgsky għamel użu wkoll minn temi u karattri Bibliċi.

Huwa sinifikanti l-​fatt li, kemm f’“Jesus Navinus,” kif ukoll fl-​edizzjoni tiegħu taʼ l-​1874 “Il-​Qerda taʼ Sanħerib,” Mussorgsky irrefera għal Alla, billi uża l-​pronunzja Russa għall-​isem divin, li hu rappreżentat fl-​Iskrittura Ebrajka minn erbaʼ konsonanti​—יהוה (JĦWH)—u li jidher madwar 7,000 darba.

Għalhekk, dawn ix-​xogħlijiet taʼ Mussorgsky juru li l-​isem t’Alla fil-​Bibbja​—Ġeħova​—kien magħruf sew fis-​soċjetà Russa qabel ma beda s-​seklu 20. Dan hu xieraq, ladarba Ġeħova nnifsu qal lil Mosè: “Dan ikun ismi għal dejjem u dan l-​isem ifakkarkom fija minn nisel għal nisel.”​—Eżodu 3:15.

[Stampa f’paġna 32]

Konservatorju f’San Pietruburgu fl-​1913, fejn tinżamm il-​partitura stampata tal-​mużika taʼ Mussorgsky

[Sorsi tal-​Istampi f’paġna 32]

Sheet music: The Scientific Music Library of the Saint-Petersburg State Conservatory named after N.A. Rimsky-Korsakov; street scene: National Library of Russia, St. Petersburg