Okkażjoni li m’għandekx titlef

Fil-​lejl qabel ma ta ħajtu, Ġesù qal lis-​segwaċi leali tiegħu biex jiftakru, jew jikkommemoraw, is-​sagrifiċċju tiegħu. Hu uża l-​ħobż bla ħmira u l-​inbid aħmar li kellhom quddiemhom u waqqaf dik li ġiet imsejħa l-​Aħħar Ċena jew l-​Ikla taʼ Filgħaxija tal-​Mulej u kkmanda: “Ibqgħu agħmlu dan b’tifkira tiegħi.”—Luqa 22:19.

Kull sena, ix-​Xhieda taʼ Ġeħova madwar id-​dinja jinġabru biex jikkommemoraw il-​mewt taʼ Ġesù fl-​anniversarju tagħha. Fl-​2014, it-​Tifkira taħbat it-​Tnejn, 14 t’April, wara nżul ix-​xemx.

Int kordjalment mistieden tattendi din il-​laqgħa, li matulha se tiġi ppreżentata iktar informazzjoni dwar is-​sinifikat tal-​mewt taʼ Ġesù bħala sagrifiċċju. L-​attendenza għal dan l-​avveniment hi b’xejn. Ma jsirx ġbir. Il-​persuna li tatek din ir-​rivista tistaʼ tgħidlek il-​ħin u l-​post tat-​Tifkira li se ssir fl-​inħawi tiegħek, jew inkella tistaʼ żżur il-​Websajt tagħna, jw.org/mt. Jekk jogħġbok ħu nota taʼ din l-​okkażjoni li nisperaw li ma titlifx.