Avviżi

◼ Offerta tal-​letteratura għal Novembru: Ikompli t-​tqassim taʼ l-​Aħbar Tas-​Saltna Nru. 35. Il-​kongregazzjonijiet li jlestu t-​territorju tagħhom billi jilħqu l-​inkwilini f’kull dar jew abitazzjoni b’kopja taʼ l-​Aħbar Tas-​Saltna Nru. 35 jistgħu joffru l-​ktieb Għarfien. Diċembru: In-​New World Translation flimkien mal-​ktieb L-​Aqwa Bniedem. Jannar: Kwalunkwe ktieb taʼ 192 paġna ppubblikat qabel l-​1985 li l-​kongregazzjoni jistaʼ jkollha maħżun. Kongregazzjonijiet li m’għandhomx ħażna taʼ kotba bħal dawn jistgħu joffru l-​ktieb Int Tistaʼ Tgħix Għal Dejjem Fil-​Ġenna Fuq L-​Art. Frar: Għarfien Li Jwassal Għall-​Ħajja Taʼ Dejjem.

◼ Wara li titlesta l-​kampanja speċjali fis-​16 taʼ Novembru, kongregazzjonijiet li jkun għad baqgħalhom provista taʼ l-​Aħbar Tas-​Saltna Nru. 35 jistgħu jinkuraġġixxu lill-​pubblikaturi biex joffruhom bl-​istess mod li jintużaw il-​fuljetti, kemm jekk minn bieb għal bieb u kemm jekk x’imkien ieħor. Jekk ikun għaqli, il-​pubblikaturi jistgħu jħallu waħda f’kull dar fejn ma jsibu ’l ħadd, fil-​waqt li jaċċertaw li ma tkunx tidher min-​nies tat-​triq. Għandhom isiru sforzi biex jitqassmu l-​kopji kollha li jkun għad fadal taʼ dan il-​messaġġ importanti.

◼ Il-​kongregazzjonijiet għandhom jibdew jordnaw in-​1998 Yearbook of Jehovah’s Witnesses flimkien mat-​talba tagħhom għal-​letteratura taʼ Novembru. Il-​Yearbook se jkun disponibbli biċ-​Ċiniż, bil-​Franċiż, bil-​Ġappuniż, bil-​Ġermaniż, bl-​Għarbi, bil-​Grieg, bl-​Ingliż, bl-​Ispanjol, bil-​Pollakk, bil-​Portugiż, bir-​Russu u bit-​Taljan. Il-​Yearbooks huma kotba li jinkisbu b’ordni speċjali u se jidhru bħala “Back Ordered” fuq il-​listi taʼ l-​ippakkjar tal-​kongregazzjoni sakemm issir il-​konsenja.