Avviżi

◼ Offerta taʼ letteratura għal Diċembru: L-​Aqwa Bniedem li Qatt Għex. Offerti oħrajn huma: The Bible​—God’s Word or Man’s, Il-​Ktieb Tiegħi taʼ Stejjer mill-​Bibbja, jew Int Tistaʼ Tgħix Għal Dejjem Fil-​Ġenna Fuq l-​Art. Jannar: Kwalunkwe ktieb ieħor li l-​kongregazzjoni jistaʼ jkollha maħżun. Jekk intom ma jkollkomx maħżunin, tistgħu tiċċekkjaw mal-​kongregazzjonijiet fil-​viċin jekk għandhomx pubblikazzjonijiet qodma żejda. Frar: Magħqudin Fil-​Qima Taʼ L-​Uniku Alla Veru. Din hija l-​edizzjoni oriġinali tal-​ktieb. Meta jispiċċaw il-​ħażniet taʼ dan il-​ktieb, jistaʼ jiġi offrut il-​browxer X’Jirrikjedi. Marzu: Għarfien Li Jwassal Għall-​Ħajja Taʼ Dejjem. Se jsir sforz speċjali biex jinbdew studji tal-​Bibbja fid-​djar.

◼ L-​inviti tal-​Mafkar għas-​sena 2003 fil-​lingwa primarja taʼ kull kongregazzjoni dalwaqt se jintbagħtu lill-​kongregazzjoni tiegħek. Jekk hemm lingwi oħrajn mitkellma fit-​territorju tagħkom u tixtiequ provvista taʼ inviti b’dawk il-​lingwi, dawn għandhom jiġu ordnati minnufih fuq il-​Literature Request Form (S-14). L-​inviti għall-​Mafkar huma disponibbli bl-​Albaniż, Armen, Armen tal-​Lvant, Ċiniż, Ċiniż (Simplifikat), Franċiż, Ġappuniż, Grieg, Gujarati, Għarbi, Ħmong, Ilokan, Ingliż, Kambodjan, Korean, Kroat, Laosjan, Maċedoni, Olandiż, Papiamento (Curaçao), Persjan, Pollakk, Portugiż, Punġabi (Gurmukhi), Rumen, Russu, Samoan, Spanjol, Tagalog, Taljan, Vjetnamiż, u bil-​lingwa tal-​Gżejjer Marshall. Jekk jogħġobkom, ordnaw dawk il-​lingwi biss li hemm bżonn fit-​territorju tagħkom.

◼ Jekk jogħġobkom innotaw li l-​Mafkar għas-​sena 2004 se jkun il-​Ħadd 4 t’April, wara nżul ix-​xemx. Dan l-​avviż bil-​quddiem qiegħed jingħata sabiex l-​aħwa jkunu jistgħu jibbukkjaw jew jagħmlu kuntratti skond il-​bżonn għal swali disponibbli għal meta jkun hemm diversi kongregazzjonijiet li jużaw is-​Sala tas-​Saltna u jkunu jridu jinstabu faċilitajiet oħrajn. L-​anzjani għandu jkollhom ftehim mal-​maniġment biex jiżguraw li ma jkun hemm ebda tfixkil minn attivitajiet oħrajn fil-​bini sabiex l-​osservanza tal-​Mafkar tkun tistaʼ ssir b’manjiera paċifika u bl-​ordni. Minħabba l-​importanza taʼ l-​okkażjoni, meta taħtar kelliemi għall-​Mafkar, il-​ġemgħa taʼ l-​anzjani għandha tagħżel wieħed mill-​iktar anzjani kwalifikati minflok ma tagħżel lil min imissu jew tuża lill-​istess ħu kull sena. Jekk hemm anzjan kapaċi mill-​midlukin li jistaʼ jagħti t-​taħdita, għandu jintgħażel hu.

◼ Il-​pubblikaturi mgħammdin kollha preżenti għal-​Laqgħa tas-​Servizz fil-​ġimgħa tas-​6 taʼ Jannar jistgħu jiksbu d-​dokument Advance Medical Directive/Release (Direttiva/Eżenzjoni Medika bil-​Quddiem) u l-​Identity Card (Karta taʼ Identità) għal uliedhom.

◼ Se jkun hemm aġġustament fil-​mod kif titmexxa l-​Iskola tal-​Ministeru Teokratiku waqt iż-​żjara taʼ l-​indokratur tas-​circuit. Minn Jannar tas-​sena 2003, wara l-​għanja u t-​talba tal-​ftuħ, l-​iskola se titmexxa għal madwar 25 minuta. Se jkun hemm taħdita taʼ ħames minuti fuq kwalità tad-​diskors, taħdita taʼ istruzzjoni taʼ għaxar minuti, u punti prinċipali mill-​Bibbja taʼ għaxar minuti. L-​inkarigi Nru. 2, 3, u 4 m’humiex se jingħataw. L-​iskola se tkun segwita minn Laqgħa tas-​Servizz taʼ nofs siegħa. Wara l-​għanja, se jkun hemm programm taʼ nofs siegħa mingħand l-​indokratur tas-​circuit, segwita mill-​għanja u t-​talba taʼ l-​għeluq.