Avviżi

◼ Offerta taʼ letteratura għal April u Mejju: Introduċi kopji individwali kemm tat-​Torri taʼ l-​Għassa u kemm taʼ Stenbaħ! Meta żżur lura lil nies interessati, li jistgħu jinkludu lil dawk li jattendu t-​Tifkira u/jew ġrajjiet teokratiċi oħra iżda li m’humiex qed jissieħbu b’mod attiv mal-​kongregazzjoni, ikkonċentra fuq li tħalli l-​ktieb il-​ġdid Qim lill-​Uniku Alla Veru. Għandu jsir kull sforz biex jinbeda studju tal-​Bibbja fid-​dar, speċjalment jekk xi individwi diġà studjaw il-​ktieb Għarfien u l-​browxer X’Jirrikjedi. Ġunju: Offri l-​ktieb Għarfien jew il-​browxer X’Jirrikjedi. Jekk l-​inkwilini diġà jkollhom dawn il-​pubblikazzjonijiet, uża browxer ieħor addattat li l-​kongregazzjonijiet għandhom maħżun. Lulju u Awissu: Jistaʼ jintuża kwalunkwe browxer taʼ 32 paġna minn dawn li ġejjin: Gawdi l-​Ħajja fuq l-​Art Għal Dejjem!, Għandek Int Temmen fit-​Trinità?, “Ħares! Qed Nagħmel l-​Affarijiet Kollha Ġodda,” Meta Xi Ħadd Li Tħobb Imut, Veru li Alla Jimpurtah Minna?, X’Inhu l-​Iskop tal-​Ħajja?​—Kif Tistaʼ Ssibu?, u X’Jiġrilna meta Mmutu?

◼ B’seħħ minn April, il-​badges tal-​konvenzjoni distrettwali għall-​2003 se jkunu awtomatikament inklużi mal-​letteratura li tasal bil-​baħar. Mhux se jkun hemm bżonn li dawn jiġu ordnati. Il-​badges se jintbagħtu f’pakketti taʼ 25, skond in-​numru taʼ pubblikaturi f’kull kongregazzjoni. Jekk il-​kongregazzjoni jkollha bżonn iktar badges, dawn għandhom jiġu ordnati fuq il-​Literature Request Form (S-14). Il-​plastik fejn jinżammu l-​badges għandu jiġi ordnat għal dawk kollha fil-​kongregazzjoni li jixtiquh.

◼ Huwa neċessarju għall-​uffiċċju lokali li jżomm dokumentazzjoni aġġornata taʼ l-​indirizzi u n-​numri tat-​telefon taʼ l-​indokraturi li jippresiedu u s-​segretarji kollha. Jekk ikun hemm xi bidla fi kwalunkwe żmien, il-​Kumitat tas-​Servizz tal-​Kongregazzjoni għandu jimla u jibgħat il-​formola Presiding Overseer/Secretary Change of Address (S-29) lill-​uffiċċju lokali mill-​ewwel. Dan jinkludi kwalunkwe bidla fil-​kodiċi postali.

◼ Is-​segretarji tal-​kongregazzjoni għandhom iżommu provvista adegwata tal-​formoli Application for Regular Pioneer Service (S-205) u Application for Auxiliary Pioneer Service (S-205b). Dawn jistgħu jiġu ordnati fuq il-​Literature Request Form (S-14). Minn taʼ l-​inqas, żommu provvista għal sena. Irrevedu l-​formoli kollha taʼ l-​applikazzjoni għal pijunier regulari biex tkunu ċerti li huma kompluti. Jekk dawk li japplikaw ma jkunux jistgħu jiftakru d-​data eżatta tal-​magħmudija tagħhom, għandhom jikkalkulaw id-​data bejn wieħed u ieħor u jżommu nota tagħha.

◼ Kulmeta l-​pjanijiet biex tivvjaġġa jinkludu li tattendi l-​laqgħat tal-​kongregazzjoni, xi assemblea, jew xi konvenzjoni distrettwali f’pajjiż ieħor, ir-​rikjesta tiegħek għall-​informazzjoni fuq id-​dati, il-​ħinijiet, u l-​postijiet fejn dawn isiru, trid tkun diretta lill-​uffiċċju tal-​fergħa li jieħu ħsieb ix-​xogħol f’dak il-​pajjiż. L-​indirizzi taʼ l-​uffiċċji tal-​fergħa jinsabu mniżżlin fl-​aħħar paġna tal-​Yearbook kurrenti.