Programm Ġdid taʼ l-​Assemblea tas-​Circuit

¹ Sidna Ġesù bassar li d-​dixxipli tiegħu kienu se jgħaddu minn taħbit. (Mt. 24:9) Kif għandna nqisuhom il-​provi? X’se jgħinna nissaportu t-​taħbit? Il-​programm taʼ l-​assemblea tas-​circuit għas-​sena taʼ servizz 2004 se jwieġeb dawn il-​mistoqsijiet. It-​tema se tkun “Ifirħu bit-​Tama, Stabru fl-​Hemm.”—Rum. 12:12.

² Żewġ Serje taʼ Taħditiet: L-​ewwel serje taʼ taħditiet, intitolat “Agħmlu l-​Frott bis-​Sabar,” se jikkunsidra modi kif nistgħu nagħmlu l-​frott. Xi pubblikaturi se jiġu intervistati dwar kif ixandru u jgħallmu b’sens t’urġenza. Il-​ġenituri għandhom speċjalment jagħtu attenzjoni għall-​parti intitolata “Meta Niġu Dixxiplinati minn Jehovah,” li se tiddiskuti kif il-​ġenituri jistgħu jirraġunaw maʼ wliedhom. Il-​kelliemi li se jagħti l-​aħħar taħdita f’din is-​serje taʼ taħditiet se jiġbed l-​attenzjoni lejn dak li għandna nagħmlu biex ma nħallux lid-​dinja teffettwana ħażin bil-​mod il-​mod u ġġagħalna ma nagħmlux frott.—Mk. 4:19.

³ “Iġri t-​Tiġrija bis-​Sabar” hija t-​tema tat-​tieni serje taʼ taħditiet. Se turi biċ-​ċar li l-​mod taʼ kif ngħixu ħajjitna hu bħal tiġrija. Għala għandna niġru skond ir-​regoli? Kif nistgħu nwarrbu minna kull xkiel b’suċċess u ma negħjew qatt fit-​tiġrija għal ħajja? Il-​parir Skritturali f’waqtu li se jingħata se jgħinna lkoll biex inkomplu niġru bis-​sabar.

⁴ Is-​Sabar Iġib l-​Approvazzjoni t’Alla: It-​taħditiet li se jingħataw mill-​indokraturi li jivvjaġġaw se jsaħħu l-​fidi taʼ dawk li jisimgħu u japplikaw il-​parir. Waħda mit-​taħditiet taʼ l-​indokratur tad-​distrett hija intitolata “Is-​Sabar Iwassal għal Kundizzjoni Approvata.” It-​taħdita pubblika se twieġeb il-​mistoqsijiet: F’isem min għandhom jittamaw il-​ġnus, u x’hemm involut f’li tagħmel dan? L-​aħħar taħdita, “Bis-​Sabar Issalvaw Ħajjitkom,” se tikkunsidra kif Ġesù setaʼ jissaporti l-​inġustizzji mingħajr ma sar ostili.

⁵ Ftakar biex iġġib il-​ktieb Ministry School u t-​Torri taʼ l-​Għassa għal dik il-​ġimgħa. Ħu n-​noti sabiex jgħinuk tikkonċentra u jkunu għal referenza fil-​futur. Iktar tard, se ssir reviżjoni tal-​programm fil-​kongregazzjoni.

⁶ Jehovah innifsu ppreparalna dan il-​pranzu taʼ ikel spiritwali. Ejja! Kul! Jekk inkunu hemm biex nibbenefikaw mill-​programm kollu se ngħajtu bil-​ferħ.—Is. 65:14.