Avviżi
◼ Offerta taʼ letteratura għal April: Offri l-ktieb Hena Fil-Familja. Mejju: Se jiġu offruti kopji individwali tat-Torri taʼ l-Għassa u taʼ l-Awake! Meta terġaʼ żżur lil nies interessati, inkluż dawk li jattendu t-Tifkira u/jew xi attivitajiet teokratiċi oħrajn iżda li m’humiex jissieħbu b’mod attiv mal-kongregazzjoni, stinka biex tħallilhom il-ktieb Il-Bibbja X’Tgħallem?, bil-mira li tibda studju tal-Bibbja. Ġunju: Offri l-ktieb Hena Fil-Familja. Lulju: Jistaʼ jintuża kwalunkwe browxer taʼ 32 paġna minn dawn li ġejjin: Veru li Alla Jimpurtah Minna?, Gawdi l-Ħajja fuq l-Art Għal Dejjem!, Ibqaʼ Għassa!, “Ħares! Qed Nagħmel l-Affarijiet Kollha Ġodda,” Għandek Int Temmen fit-Trinità?, X’Jiġrilna meta Mmutu?, X’Inhu l-Iskop tal-Ħajja-Kif Tistaʼ Ssibu?, Meta Xi Ħadd Li Tħobb Imut, jew browxers magħżulin oħrajn li jkunu adattati għat-territorju tiegħek.
◼ B’seħħ minn April, il-badges tal-konvenzjoni distrettwali għall-2007 se jkunu inklużi awtomatikament mal-letteratura li tasal bil-baħar. Mhux se jkun hemm bżonn li dawn jiġu ordnati sakemm ma jkunx hemm grupp taʼ lingwa barranija msieħeb mal-kongregazzjoni tiegħek. Jekk il-kongregazzjoni jkollha bżonn iktar badges, dawn għandhom jiġu ordnati fuq il-Literature Request Form (S-14). Il-plastik fejn jinżammu l-badges għandu jiġi ordnat għal dawk kollha fil-kongregazzjoni li jixtiquh.
◼ Is-segretarji tal-kongregazzjonijiet għandhom iżommu provvista adegwata tal-formoli Applikazzjoni għas-Servizz taʼ Pijunier Regulari (S-205-MT) u Applikazzjoni għas-Servizz taʼ Pijunier Awżiljarju (S-205b-MT). Dawn jistgħu jinkisbu permezz tal-Literature Request Form (S-14). Żommu provvista minn taʼ l-inqas għal sena sħiħa. Qabel ma jintbagħtu l-formoli għall-applikazzjoni taʼ pijunier regulari fl-uffiċċju lokali, kunu ċerti li l-mistoqsijiet kollha jkunu ġew imweġbin.
◼ Huwa neċessarju li l-uffiċċju lokali jkollu rekord aġġornat taʼ l-indirizzi u n-numri tat-telefon taʼ l-indokraturi li jippresiedu u s-segretarji kollha. Jekk f’xi żmien ikun hemm xi bidla, il-Kumitat tas-Servizz tal-Kongregazzjoni għandu jimla, jiffirma, u jibgħat il-formola Presiding Overseer/Secretary Change of Address (S-29) lill-uffiċċju lokali mill-ewwel.
◼ Kulmeta l-pjanijiet biex tivvjaġġa jinkludu li tattendi l-laqgħat tal-kongregazzjoni, xi assemblea, jew xi konvenzjoni distrettwali f’pajjiż ieħor, ir-rikjesta tiegħek għall-informazzjoni fuq id-dati, il-ħinijiet, u l-postijiet fejn dawn isiru, trid tkun diretta lill-uffiċċju tal-fergħa li jieħu ħsieb ix-xogħol f’dak il-pajjiż. L-indirizzi taʼ l-uffiċċji tal-fergħa jinsabu mniżżlin fl-aħħar paġna tal-Yearbook kurrenti.