Avviżi

◼ Offerta taʼ letteratura għal April u Mejju: Ir-​rivisti It-​Torri tal-​Għassa u Stenbaħ! Meta terġaʼ żżur lil nies li juru interess, inkluż dawk li jattendu għat-​Tifkira jew xi attivitajiet teokratiċi oħrajn iżda li mhumiex jissieħbu b’mod attiv mal-​kongregazzjoni, stinka biex tħallilhom il-​ktieb Il-​Bibbja X’Tgħallem Verament? Il-​mira għandha tkun li jinbeda studju tal-​Bibbja. Ġunju: Il-​Bibbja X’Tgħallem Verament? Jekk l-​inkwilini jkollhom il-​ktieb diġà, imbagħad offri pubblikazzjoni iktar antika li l-​kongregazzjoni jistaʼ jkollha maħżuna. Lulju: Il-​pubblikaturi jistgħu jużaw kwalunkwe browxer taʼ 32 paġna li hemm maħżun: Veru li Alla Jimpurtah Minna?, Gawdi l-​Ħajja fuq l-​Art Għal Dejjem!, Ibqaʼ Għassa!, “Ħares! Qed Nagħmel l-​Affarijiet Kollha Ġodda,” Għandek Int Temmen fit-​Trinità?, X’Jiġrilna Meta Mmutu?, X’Inhu l-​Iskop tal-​Ħajja—Kif Tistaʼ Ssibu?, u Meta Xi Ħadd Li Tħobb Imut. Uża l-​browxers li hemm ħafna minnhom maħżunin.

◼ Matul il-​ġimgħat tal-​konvenzjoni distrettwali, l-​assemblea tas-​circuit, u l-​jum tal-​assemblea speċjali, il-​kongregazzjoni mhux se jkollha l-​Istudju tal-​Bibbja tal-​Kongregazzjoni, l-​Iskola tal-​Ministeru Teokratiku, u l-​Laqgħa tas-​Servizz. Minħabba dan, ninkuraġġixxu lil kulħadd biex jikkunsidra l-​materjal taʼ dawn it-​tliet laqgħat fuq bażi persunali, bħal matul il-​lejla tal-​Qima tal-​Familja tiegħek.

◼ It-​taħdita speċjali għall-​istaġun tat-​Tifkira 2010 se tkun intitolata “Paċi u Sigurtà Veri—Meta?”