Kieku Ġeħova x’jaħseb?

Qabel nieħdu deċiżjonijiet kbar jew żgħar, nistaqsu aħna lilna nfusna, ‘Kieku Ġeħova x’jaħseb?’ Għalkemm qatt m’aħna ħa nkunu nafu kollox dwar il-​moħħ taʼ Ġeħova, fil-​Kelma tiegħu jagħtina biżżejjed informazzjoni biex jarmana “għal kull għemil tajjeb.” (2Ti 3:16, 17; Rum 11:33, 34) B’mod ċar, Ġesù fehem x’kienet ir-​rieda taʼ Ġeħova u għamilha prijorità f’ħajtu. (Ġw 4:34) Billi nimitaw lil Ġesù, jalla nagħmlu l-​aħjar tagħna biex nieħdu deċiżjonijiet li jogħġbu lil Ġeħova.—Ġw 8:28, 29; Ef 5:15-17.

ARA L-​VIDJOW IBQGĦU IFHMU R-​RIEDA TAʼ ĠEĦOVA (LE 19:18), U MBAGĦAD WIEĠEB IL-​MISTOQSIJIET LI ĠEJJIN:

• Għala għandna napplikaw prinċipji tal-​Bibbja f’ħajjitna?

• Liema prinċipji tal-​Bibbja għandhom jeffettwaw x’mużika nagħżlu?

• Liema prinċipji tal-​Bibbja għandhom jeffettwaw x’nilbsu u kif nidhru?

• F’liema aspetti oħra tal-​ħajja għandna napplikaw prinċipji tal-​Bibbja?

• Kif nistgħu ntejbu l-​abbiltà tagħna biex inkunu nafu xi jridna nagħmlu Ġeħova?