L-art “belgħet ix-xmara”

Matul l-​istorja, kien hemm diversi drabi li l-​awtoritajiet sekulari għenu lin-​nies taʼ Ġeħova. (Esd 6:1-12; Est 8:10-13) Anke fi żmienna, rajna “l-​art”—jiġifieri mexxejja f’diversi pajjiżi li huma iktar raġunevoli—tiblaʼ x-​“xmara” taʼ persekuzzjoni li kkaġuna d-​“dragun,” Satana x-​Xitan. (Ri 12:16) Ġeħova, l-​‘Alla li jsalva,’ jistaʼ xi drabi jqanqal lill-​mexxejja umani biex jipprovdu serħan għall-​poplu tiegħu.—Sa 68:20; Pr 21:1.

Xi ngħidu, imma, jekk tinsab fil-​ħabs minħabba l-​fidi tiegħek? Qatt tiddubita li Ġeħova qed jgħasses fuqek. (Ġen 39:21-23; Sa 105:17-20) Kun ċert li l-​fidi tiegħek se tiġi premjata u li l-​integrità tiegħek tinkuraġġixxi lil ħutek mad-​dinja kollha.—Flp 1:12-14; Ri 2:10.

ARA L-​VIDJOW L-​AĦWA KOREANI JINĦELSU MILL-​ĦABS, U MBAGĦAD WIEĠEB DAWN IL-​MISTOQSIJIET:

• Matul is-​snin, għaliex kien hemm eluf t’aħwa fil-​Korea t’Isfel li ntbagħtu l-​ħabs?

• Liema sentenzi tal-​qrati wasslu biex xi wħud minn ħutna jinħelsu qabel iż-​żmien?

• Kif nistgħu ngħinu lil ħutna madwar id-​dinja li bħalissa jinsabu fil-​ħabs minħabba l-​fidi tagħhom?

• Kif għandna nużaw kwalunkwe libertà li qed ingawdu bħalissa?

• Fl-​aħħar mill-​aħħar, min hu responsabbli għal kwalunkwe każ li nirbħu fil-​qrati?