Nużaw Stenbaħ! b’Mod Effettiv

META kellha 16-il sena, Vanessa, waħda mix-​Xhieda taʼ Jehovah fl-​Istati Uniti, kellha tikteb rapport għall-​iskola dwar is-​suġġett taʼ l-​anoreksja. “Għamilt ftit riċerka,” tgħid hi, “imma ftit li xejn sibt informazzjoni. Tkellimt mal-​ġenituri tiegħi dwaru, u ssuġġerewli biex infittex dwar dan is-​suġġett fil-​pubblikazzjonijiet tagħna.”

Billi fittxet fil-​pubblikazzjonijiet tax-​Xhieda taʼ Jehovah, Vanessa rnexxielha ssib ruxxmata taʼ informazzjoni għar-​rapport tagħha. “Imma dan kien biss parti żgħira mill-​inkarigu,” tgħid hi. “Ridt nagħti preżentazzjoni bil-​kliem quddiem l-​għalliema u 20 studentessa!” Vanessa kif kienet se tilqaʼ din l-​isfida?

Vanessa, bħax-​Xhieda taʼ Jehovah li qegħdin f’kull parti tad-​dinja, tirċievi t-​taħriġ biex titkellem fil-​pubbliku fl-​Iskola tal-​Ministeru Teokratiku, li ssir fis-​Sala tas-​Saltna tal-​lokal. “Permezz taʼ din l-​iskola, aħna preparati tajjeb biex immorru fuq il-​ministeru u nitkellmu m’oħrajn,” tgħid Vanessa. “Nirċievu wkoll pariri fuq xiex għandna naħdmu sabiex in-​nies jifhmuna aħjar.” X’kien ir-​riżultat tax-​xogħol iebes taʼ Vanessa fuq ir-​rapport tagħha taʼ l-​iskola? “Irċivejt l-​ogħla marka,” tgħid hi.

Vanessa hija waħda mill-​ħafna żgħażagħ li qed jużaw il-​pubblikazzjonijiet bbażati fuq il-​Bibbja u taħriġ spiritwali ieħor b’mod effettiv. Żgħażagħ bħal dawn huma taʼ min ifaħħarhom għax qegħdin jobdu t-​twissija taʼ Koħèlet 12:1: “Ftakar f’min ħalqek f’jiem żgħożitek.”