Mingħand il-​Qarrejja

Trasfużjonijiet tad-​Demm Jien tabib u evanġelizzatur full-time; u grat ħafna li ppubblikajtu l-​esperjenza taʼ Yasushi Aizawa, “Aċċettajt il-​Ħarsa t’Alla dwar id-​Demm.” (8 taʼ Diċembru, 2003) L-​esperjenza tiegħu hija simili ħafna għal tiegħi għaliex anki jien kelli nitgħallem inpoġġi l-​mediċina fit-​tieni post f’ħajti. Forsi jirnexxili niltaqaʼ maʼ Ħuna Aizawa fid-​dinja l-​ġdida t’Alla, fejn it-​tnejn li aħna se nkunu bla xogħol għax hemmhekk mhux se jkun hemm bżonn taʼ tobba!

A. S., Ekwador

F’Ottubru taʼ l-​2002, sirna nafu li ż-​żgħira tagħna kellha kanċer. Il-​kura kienet diffiċli għax kellha bżonn żewġ operazzjonijiet, il-​kimoterapija, u r-​radjazzjoni. Matul dak iż-​żmien, aħna għamilna kull sforz ħalli nżommu mal-​kmand tal-​Bibbja biex ma niħdux id-​demm. Dan ma kienx faċli għax fil-​Litwanja d-​demm jingħata kważi lit-​tfal kollha li jkollhom bżonn il-​kimoterapija. L-​artiklu “Aċċettajt il-​Ħarsa t’Alla dwar id-​Demm” saħħaħna biex inkomplu nżommu l-​ħarsa taʼ Ġeħova. U issa t-​tifla tagħna qed tfiq mill-​kanċer.

M. u S. D., Litwanja

Spirtu taʼ Kompetizzjoni bejn l-​Aħwa Nixtieq nirringrazzjakom minn qalbi taʼ l-​artiklu “Iż-​Żgħażagħ Jistaqsu . . . Kif Nistaʼ Nkun Apprezzat għal Min Jien Minflok Ma Niġi Mqabbel maʼ Ħuti?” (8 taʼ Diċembru, 2003) Jien għandi 16-il sena, u donnu li l-​attenzjoni dejjem tkun fuq oħti l-​kbira. M’għandniex xi ngħidu, f’moħħi naf li Ġeħova jagħti kasi, imma ma nistax nifhem għala xorta nħossni waħdi. L-​artiklu għenni nifhem is-​sentimenti tiegħi. U minħabba li ntuża kliem tant sabiħ, għajnejja mtlew bid-​dmugħ meta qrajtu. Grazzi tal-​pariri prattiċi. L-​artiklu qanqalni ħafna.

M. O., Ġappun

Xi darba jew oħra ħassejtni kif ħassewhom iż-​żgħażagħ kwotati fl-​artiklu. Oħti l-​kbira minn dejjem kienet meqjusa bħala xi ħadd t’eżempju tajjeb. Allura naf kif tħossok meta dejjem iqabbluk maʼ xi membru ieħor tal-​familja. Dak li għedtu fl-​artiklu, biex issib xi ħaġa li vera taf tagħmel, kien bħal “tuffieħ tad-​deheb fuq platt tal-​fidda”​—kliem li ġie preċiż fil-​ħin.​—Proverbji 25:11.

S. T., Stati Uniti

Jien għandi oħti akbar minni u ħija iżgħar. Huma ħafna aħjar minni f’ħafna affarijiet. Għalhekk ħadt il-​parir tagħkom, u issa qed nitgħallem l-​Ispanjol u qed noħroġ fil-​ministeru iktar spiss. Qed nieħu pjaċir nitgħallem​—u n-​nies qed jagħtu kasi.

H. B., Stati Uniti

L-​Isem t’Alla Fis-​sena 1983 xtrajt ktieb għat-​tfal tiegħi dwar il-​Ħawajj. Il-​ktieb qal li madwar is-​sena 1800, mara taʼ wieħed mill-​kapijiet tat xiehda dwar Alla tagħha, Ġeħova. Dak iż-​żmien ma tantx kienet xi ħaġa komuni fis-​Slovakkja, li kien pajjiż soċjalist, li tara l-​isem t’Alla f’letteratura li tkun pubblikata. U għal snin sħaħ kien misteru għalina kif il-​mara tal-​kap kienet taf l-​isem t’Alla lura f’dak iż-​żmien. B’hekk, meta qrajna l-​artiklu “Isem Ġeħova fil-​Gżejjer tal-​Paċifiku” (8 taʼ Novembru, 2003), fraħna meta rajna l-​ispjegazzjoni.

E. G., Slovakkja

Missjunarju fl-​Afrika Apprezzajt ħafna l-​bijografija taʼ Ernest Pandachuk, “Il-​Pedament Tiegħi għal Ħajja Mimlija Skop.” (8 taʼ Novembru, 2003) Jien qed niffaċċja diversi problemi, bħal li rrabbi lit-​tifel tiegħi waħdi u għandi problemi tas-​saħħa. Imma l-​problemi tiegħi ma jistgħux jitqabblu maʼ dak li jridu jiffaċċjaw xi wħud minn ħutna l-​Kristjani fl-​Afrika. L-​artiklu messli qalbi u qanqalni biex nimmedita fuq il-​wegħda taʼ Ġesù li tinsab f’Mattew 6:​33 li Ġeħova jieħu ħsieb dawk li jfittxu s-​Saltna l-​ewwel.

M. C., Russja

Ħarsa Lejn id-​Dinja Nixtieq nesprimi l-​apprezzament tiegħi għas-​sezzjoni “Ħarsa Lejn id-​Dinja.” Hija l-​ewwel ħaġa li naqra fir-​rivisti u nkun qed nistenna bil-​ħerqa biex nara l-​istampi. Jinkuraġġuni naqra dwar suġġetti li s-​soltu ma jolqtunix​—per eżempju s-​suġġett “Ħut Storbjuż” fil-​ħarġa tat8 taʼ Novembru, 2003. Kemm kien tad-​daħq!

N. N., Stati Uniti

Taħt it-​titlu “Protezzjoni min-​Nemus” fis-​sezzjoni “Ħarsa Lejn id-​Dinja” (8 t’Awissu, 2003), intom tirreferu għar-​rapport li jirrikkmanda li tieħu “300 milligramma vitamina B₁” kuljum. Jekk tieħu dan l-​ammont kuljum jistaʼ jkollu effetti ħżiena fuq il-​ġisem.

H. M., Ġappun

“Stenbaħ!” iwieġeb: L-​awtoritajiet ma jaqblux dwar l-​ammont taʼ vitamina B1 (“thiamine”) li jistaʼ jkun taʼ ħsara. Xi wħud jirrikkmandaw doża taʼ 1.1 milligramma kuljum. Madankollu, rapport pubblikat mill-​Organizzazzjoni Dinjija tas-​Saħħa jgħid li skond xi rapporti, “instab li dożi orali taʼ 500 milligramma meħudin għal xahar ma kinux tossiċi.” Hu x’inhu l-​każ, dan żgur hu suġġett għal iżjed riċerka.