3 Għax hemm tama

Il-​Bibbja tgħid li l-​ħajja hi ‘mimlija taħbit.’ (Ġob 14:1) Illum, kulħadd jgħaddi minn traġedja jew oħra. Imma xi nies jaqtgħu qalbhom għalkollox mill-​ħajja, bħallikieku ma kien hemm ebda xaqq dawl taʼ tama, ebda prospett għal futur aħjar. Int hekk tħossok? Jekk iva, serraħ moħħok li l-​Bibbja toffri tama ġenwina—mhux għalik biss imma għall-​umanità kollha. Pereżempju:

• Il-​Bibbja tgħallem li Alla Ġeħova kellu f’moħħu xi ħaġa bil-​wisq aħjar għalina.—Ġenesi 1:28.

• Alla Ġeħova jwiegħed li se jagħmel l-​art tagħna ġenna.—Isaija 65:21-​25.

• It-​twettiq taʼ dik il-​wegħda hu ċert. Rivelazzjoni 21:3, 4 jgħid:

  “It-​tinda t’Alla hi mal-​bnedmin, u hu jgħammar magħhom, u huma jkunu l-​popli tiegħu. U Alla stess ikun magħhom. U jixxottalhom kull demgħa minn għajnejhom, u ma jkunx hemm iżjed mewt, u la niket u la għajat u lanqas uġigħ. L-​affarijiet taʼ qabel ikunu spiċċaw.”

Din it-​tama mhix sempliċi fantasija. Alla Ġeħova se jara li l-​iskop tiegħu jsir realtà, u hu għandu kemm il-​qawwa kif ukoll ix-​xewqa li jwettqu. It-​tama li tagħti l-​Bibbja hi taʼ min joqgħod fuqha u tipprovdi tweġiba soda għall-​mistoqsija “Għala tibqaʼ tgħix?”

FTAKAR DAN: Għalkemm l-​emozzjonijiet tiegħek jistgħu jduru u jagħqdu bħal dgħajsa f’baħar imqalleb, il-​messaġġ taʼ tama li tagħti l-​Bibbja jistaʼ jkun bħal ankra li żżommok stabbli.

DAK LI TISTAʼ TAGĦMEL ILLUM: Ibda investiga x’tgħallem il-​Bibbja dwar tama ġenwina għall-​futur. Ix-​Xhieda taʼ Ġeħova jieħdu pjaċir jgħinuk. Tistaʼ tikkuntattjahom fl-​inħawi tiegħek jew tistaʼ ssib informazzjoni taʼ valur fuq il-​Websajt tagħhom, jw.org/mt.a