Kif Issib il-Vera Reliġjon

Jekk trid tkun ħabib t’Alla, trid tipprattika r-​reliġjon li għandha l-​approvazzjoni t’Alla. Ġesù qal li “l-​veri adoraturi” (NW) għandhom jaduraw lil Alla fi qbil mal-​“verità.” (Ġwann 4:23, 24) Hemm biss triq waħda kif tadura lil Alla b’mod korrett. (Efesin 4:4-6) Il-​vera reliġjon twassal għall-​ħajja ta’ dejjem, u r-​reliġjon falza twassal għall-​qerda.—Mattew 7:13, 14.

Tista’ tirrikonoxxi l-​vera reliġjon billi tosserva lin-​nies li jipprattikawha. Ladarba Jehovah hu tajjeb, dawk li huma l-​veri adoraturi tiegħu għandhom ikunu nies tajbin. Sewwa sew bħalma siġra tajba tal-​larinġ tipproduċi larinġ mill-​aħjar, il-​vera reliġjon tipproduċi nies mill-​aħjar. Mattew 7:15-20.

Il-​ħbieb ta’ Jehovah għandhom rispett profond għall-​Bibbja. Huma jafu li l-​Bibbja ġejja mingħand Alla. B’hekk iħallu dak li tgħid il-​Bibbja jiggwidalhom ħajjithom, isolvilhom il-​problemi, u jgħinhom jitgħallmu dwar Alla. (2 Timotju 3:16) Huma jipprovaw jipprattikaw dak li jgħidu.

Il-​ħbieb ta’ Jehovah juru mħabba lejn xulxin. Ġesù wera mħabba lejn in-​nies billi għallimhom dwar Alla u fejjaq lill-​morda. Dawk li jipprattikaw il-​vera reliġjon juru wkoll imħabba lejn oħrajn. Bħal Ġesù, huma ma jqisux lill-​foqra, jew lil dawk ta’ razez u kulturi differenti, bħala inferjuri. Ġesù qal li n-​nies se jagħrfu lid-​dixxipli tiegħu mill-​imħabba ta’ bejniethom.—Ġwann 13:35.

Il-​ħbieb t’Alla jonoraw l-​isem t’Alla, Jehovah. Jekk xi ħadd jirrifjuta li juża ismek, ikun dak tassew ħabib intimu tiegħek? Le! Meta jkollna ħabib, nużaw ismu u ngħidu affarijiet tajbin dwaru m’oħrajn. Għalhekk, dawk li jixtiequ jkunu ħbieb t’Alla għandhom jużaw ismu u jitkellmu dwaru m’oħrajn. Jehovah jridna nagħmlu dan.— Mattew 6:9; Rumani 10:13, 14.

Bħal Ġesù, il-​ħbieb t’Alla jgħallmu lin-​nies dwar is-​Saltna t’Alla. Is-​Saltna t’Alla hija l-​gvern tas-​sema li se jagħmel l-​art ġenna. Il-​ħbieb t’Alla jaqsmu din l-​aħbar tajba dwar is-​Saltna t’Alla m’oħrajn.—Mattew 24:14.

Ix-​Xhieda ta’ Jehovah jipprovaw ikunu l-​ħbieb t’Alla. Huma jirrispettaw il-​Bibbja u għandhom imħabba bejniethom. Huma jużaw u jonoraw ukoll l-​isem t’Alla u jgħallmu lil oħrajn dwar is-​Saltna t’Alla. Ix-​Xhieda ta’ Jehovah jipprattikaw il-​vera reliġjon fuq l-​art illum.