Il-Meditazzjoni taʼ Qalbi

1. Ħa jkun kull ħsieb fil-fond tal-qalb,

Fuqiex nimmedita mal-jum,—

Pjaċevoli għalik, Mulej;

Fi triqtek b’hekk jien sod inkun.

Jekk moħħi jkun mifni bl-inkwiet

U l-lejl ma jġib ebda mistrieħ,

Imbagħ’d nimmedita fil-pront

Fuqek u fuq is-sew bis-sħiħ.

2. Jekk ħsiebi safi w veru jkun;

Jekk naħseb f’dak li hu virtù

U f’kulma fama tajba jġib—

Jalla mbagħ’d paċi nikseb żgur.

Prezzjużi ħsibijietek ferm!

O Alla, l-għadd tagħhom tant kbir.

Għalhekk, nimmedita mill-qalb;

Fuq kliemek medhi jien insir.