Nafu sigriet li jagħmilna ferħanin

Ġieli xi ħadd qallek sigriet?—a Il-​Bibbja titkellem dwar sigriet speċjali msejjaħ “is-​sigriet sagru.” Huwa sagru għax ġej mingħand Alla. U jissejjaħ sigriet għax in-​nies ma kinux jafu dwaru. Anki l-​anġli riedu jkunu jafu iktar dwar dan. Tixtieq tkun taf x’inhu dan is-​sigriet?—

Ħafna u ħafna żmien ilu, Alla ħalaq lill-​ewwel raġel u mara. Kien jisimhom Adam u Eva. Alla tahom dar sabiħa msejħa l-​ġnien tal-​Għeden. Kieku Adam u Eva obdew lil Alla, huma u t-​tfal tagħhom setgħu għamlu d-​dinja kollha ġenna tal-​art bħal dak il-​ġnien. U setgħu għexu f’Ġenna tal-​art għal dejjem. Imma tiftakar x’għamlu Adam u Eva?—

Adam u Eva m’obdewx lil Alla, u huwa għalhekk li llum ma ngħixux f’ġenna tal-​art. Imma Alla qal li kien se jagħmel id-​dinja kollha sabiħa, u kulħadd kien se jgħix għal dejjem u jkun ferħan. Kif kien se jagħmel dan? Għal żmien twil, in-​nies ma kinux jafu. Kien sigriet.

Meta Ġesù ġie fid-​dinja, hu għallem lin-​nies iktar dwar dan is-​sigriet. Hu qal li kien dwar is-​Saltna t’Alla. Ġesù qal lin-​nies biex jitolbu ħalli din is-​Saltna tiġi. Din se tagħmel id-​dinja ġenna tal-​art sabiħa.

Tħossok ferħan inti li taf dan is-​sigriet?— Ftakar li dawk biss li jobdu lil Ġeħova se jgħixu fil-​Ġenna tal-​art. Il-​Bibbja tgħidilna ħafna stejjer dwar irġiel u nisa li obdew lil Ġeħova. Tixtieq titgħallem dwarhom?— Ejja naraw min kienu xi wħud minnhom u kif nistgħu nkunu bħalhom.