L-​Aqwa Tip taʼ Mħabba

FL-​ISKRITTURA Griega Kristjana, jew it-​Testment il-​Ġdid, ħafna drabi fejn tidher il-​kelma “mħabba” tkun traduzzjoni tal-​kelma Griega a·gaʹpe.

Meta jispjega dan it-​terminu, ix-​xogħol taʼ referenza Insight on the Scripturesa jgħid: “[A·gaʹpe] m’hijiex emozzjoni sentimentali bbażata fuq sempliċi rabta persunali, bħalma ħafna nies iqisu l-​imħabba, imma hija mħabba morali jew soċjali u dak li jkun juriha deliberatament bħala prinċipju, dmir, u xi ħaġa xierqa, waqt li jfittex it-​tajjeb taʼ ħaddieħor bis-​sinċerità kollha skond dak li hu sewwa. A·gaʹpe (l-imħabba) tegħleb id-​differenzi persunali, u qatt ma ġġiegħel lil dak li jkun jabbanduna l-​prinċipji xierqa u jpatti l-​ħażin.”

A·gaʹpe tistaʼ tinkludi wkoll sentimenti profondi. L-​appostlu Pawlu wissa: “Ħa jkollkom imħabba [a·gaʹpe] sħiħa [intensa, “NW”] lejn xulxin.” (1 Pietru 4:​8, korsiv tagħna.) B’hekk, jistaʼ jingħad li a·gaʹpe tinvolvi kemm il-​qalb kif ukoll il-​moħħ. Għala ma tikkunsidrax xi skritturi li juru x’inhuma l-​qawwa u l-​għan taʼ din l-​aqwa tip taʼ mħabba? Dawn ir-​referenzi jistgħu jkunu t’għajnuna: Mattew 5:​43-47; Ġwanni 15:​12, 13; Rumani 13:​8-10; Efesin 5:​2, 25, 28; 1 Ġwanni 3:​15-18; 4:​16-21.

[Nota taʼ taħt]