Kaxxa għall-Mistoqsija
◼ X’affarijiet għandna nieħdu għal-laqgħat?
Fil-laqgħat tal-kongregazzjoni taʼ kull ġimgħa aħna nirċievu istruzzjoni u inkuraġġiment li nibbenefikaw minnhom. (Is. 48:17; Lhud 10:24, 25) Madankollu, kemm nibbenefikaw, fil-biċċa l-kbira jiddependi minn jekk aħna niġux preparati sew jew le.
Ikun tajjeb jekk kull membru tal-familja jkollu l-materjal taʼ studju tiegħu stess u affarijiet oħrajn meħtiġin għal-laqgħat. Dawn se jinkludu l-Bibbja, il-ktieb taʼ l-għanjiet, il-pubblikazzjoni(jiet) li tkun qed tiġi studjata, ktieb għan-noti, u pinna jew lapes.
Għall-Iskola tal-Ministeru Teokratiku, hemm bżonn l-iSkeda taʼ l-Iskola tal-Ministeru Teokratiku u t-Theocratic Ministry School Guidebook. Dawn se jgħinuna nżommu f’moħħna t-tema tat-taħditiet għall-istudenti u nsegwu l-indokratur taʼ l-iskola meta jagħti l-pariri. Nistgħu napplikaw il-pariri u s-suġġerimenti personalment sabiex intejbu t-taħditiet u l-preżentazzjonijiet tas-servizz taʼ l-għalqa tagħna stess. It-taħditiet taʼ istruzzjoni huma bbażati fuq It-Torri taʼ l-Għassa, Stenbaħ! jew All Scripture Is Inspired Of God and Beneficial. It-taħditiet numru 3 u 4 huma bbażati fuq Is-Sigriet Taʼ L-Hena Fil-Familja jew fuq l-Insight on the Scriptures. Forsi ma jkunx prattiku li kull membru tal-familja jieħu l-kopja tiegħu stess; bħala familja jistgħu jieħdu volum wieħed sabiex ikunu jistgħu jirreferu għalih.
Għal-Laqgħa tas-Servizz, hemm bżonn li jkollna Il-Ministeru tas-Saltna kurrenti u l-ktieb Reasoning. Ħu kull pubblikazzjoni li tkun qed issir referenza għaliha matul il-laqgħa, bħal xi letteratura li se tintuża fil-preżentazzjonijiet li se jintwerew. L-anzjani għandhom ikollhom kopja taʼ Organized to Accomplish Our Ministry.
Il-ġenituri għandhom jipprovaw iżommu lil uliedhom bil-qegħda kwieti u attenti fil-laqgħat Kristjani. Jekk jipprovdulhom kopji persunali taʼ It-Torri taʼ l-Għassa u pubblikazzjonijiet oħrajn, anki qabel ma jkunu jafu jaqraw, dan jinkuraġġihom biex jieħdu interess. Meta ż-żgħar jitgħallmu jirrispettaw pubblikazzjonijiet teokratiċi u jużawhom, se jifformaw drawwiet spiritwali bnien tul ħajjithom kollha.
Il-ferħ u s-sodisfazzjon li nieħdu mil-laqgħat Kristjani jiżdiedu ferm meta niġu mħejjijin għal kollox. (2 Tim. 3:17) Dan hu l-aħjar mod biex niżguraw li qed ‘nagħrfu sewwa r-rieda taʼ Alla bl-għerf kollu u d-dehen spiritwali.’—Kol. 1:9. (km-E 5/95)