Kontribuzzjonijiet Għall-​Appoġġ Tat-​Tkabbir Tax-​Xogħol Madwar Id-​Dinja Tas-​Soċjetà

Bħalma huwa mbassar f’Isaija 54:​2, 3, il-​qima pura taʼ Jehovah qiegħda tkompli tespandi madwar l-​art. Dan jinkludi diversi pajjiżi fil-​kontinent Afrikan u gżejjer fil-​qrib. Matul l-​aħħar għaxar snin, ġew imneħħijin restrizzjonijiet fuq l-​attività tas-​Saltna f’postijiet bħall-​Angola, l-​Equatorial Guinea, l-​Etjopja, il-​Kameroon, il-​Madagaskar, il-​Malawi, il-​Mozambique, u t-​Togo. F’dawn l-​artijiet u f’artijiet oħrajn fejn l-​għalqa kienet lesta għall-​ħsad, mijiet taʼ missjunarji taʼ Gilead, gradwati mill-​Iskola tat-​Taħriġ Ministerjali, membri mill-​familja taʼ Betel, u oħrajn aċċettaw inkarigi.​—Matt. 9:​37, 38.

Ovvjament, iż-​żjieda t’adoraturi veri fl-​organizzazzjoni taʼ Jehovah tirrikjedi li jinbnew mijiet taʼ Swali tas-​Saltna ġodda. Kien hemm ukoll il-​bżonn li jiġu ppjanati Swali taʼ l-​Assemblea u faċilitajiet tal-​fergħa ġodda jew akbar. Biex jiġu ffinanzjati dawn il-​proġetti u kif ukoll biex ix-​xogħol tas-​Saltna jibqaʼ miexi ’l quddiem mhux biss fl-​Afrika imma wkoll f’partijiet oħrajn tad-​dinja, intuża ammont kbir mill-​kontribuzzjonijiet tax-​xogħol madwar id-​dinja tas-​Soċjetà.

L-istampi u t-​tpinġijiet fuq tnejn mill-​paġni taʼ din l-​insert jagħtukom xi idea taʼ dak li s-​Soċjetà għadha tistinka biex twettaq fl-​għalqa Afrikana. Qed jiġi muri xi ftit mill-​bini li bħalissa qiegħed isir u proġetti li dalwaqt se jinbdew.

Billi tiċċekkja t-​tabella tas-​servizz taʼ l-​għalqa fil-​Yearbook taʼ l-​1996, jistaʼ jkollok stampa aħjar taʼ x’qegħdin jagħmlu l-​pubblikaturi fil-​ministeru f’dawn il-​pajjiżi. Seħħew żjidiet li jispikkaw f’ħafna artijiet, u l-​potenzjal għal tkabbir huwa rifless fl-​attendenzi eċċezzjonali tal-​Mafkar. Meta nżommu f’moħħna x’qiegħed jiġi mwettaq bħala parti mix-​xogħol globali taʼ l-​ippridkar tas-​Saltna u taʼ li nagħmlu dixxipli f’kontinenti oħrajn, dan jimpressjona fuqna xi privileġġ għandna li nappoġġjaw b’mod materjali l-​kawża tal-​qima vera.​—Luqa 16:9; 1 Tim. 6:18.

Sala tas-​Saltna fi KwaZulu-Natal, fl-​Afrika t’Isfel, mibnija f’disgħat ijiem

Sala tas-​Saltna mibnija ekonomikament fin-​Niġerja

Faċilitajiet tal-​fergħa fil-​Mozambique, li se jitlestew għall-​użu fil-​ħarifa taʼ l-​1996

Fergħa fi Sierra Leone, maħsuba li tkun lesta dan is-​sajf

Sala taʼ l-​Assemblea bil-​ġnub miftuħin li tlestiet fil-​Mauritius, flimkien maʼ faċilitajiet tal-​fergħa, li jridu jitlestew fir-​rebbiegħa taʼ l-​1997

Fergħa f’Żimbabwe li qiegħda tinbena

Sala taʼ l-​Assemblea bil-​ġnub miftuħin u fergħa ġdida li qegħdin jinbnew fis-​Senegal

Fergħa ġdida fil-​Kenya, fil-​belt kapitali, Nairobi

Bini tal-​fergħa li ġie propost għal Malawi