Aħdem It-​Territorju Tiegħek Bir-​Reqqa

¹ F’xi nħawi residenzjali xi kultant niltaqgħu maʼ xi post żgħir tan-​negozju, bħal ħanut tal-​merċa, restorant, jew ħanut bl-​imnut. Jekk dawn l-​istabbilimenti għandhom isiru flimkien mal-​bqija taʼ dan it-​territorju, għandek iżżurhom l-​istess bħad-​djar.

² Tistaʼ tuża preżentazzjoni sempliċi u qasira, forsi billi tgħid: “Għandi xi ħaġa li nixtieq nurik.” Jekk is-​sid jidher li f’dak il-​ħin hu mħabbat, tistaʼ forsi sempliċement toffri fuljett u tgħid: “Nerġaʼ ngħaddi meta ma tkunx daqshekk imħabbat. Nixtieq inkun naf x’taħseb fuq dan.”

³ M’għandekx għalfejn tħossok beżgħan biex tagħmel dan ix-​xogħol. Wieħed pubblikatur irrapporta: “Jien stennejt li r-​reazzjoni se tkun waħda negattiva. Madankollu, b’sorpriża għalija, ir-​reazzjoni għall-​messaġġ tas-​Saltna kienet preċiż l-​oppost. Kienu edukati u dħulin b’mod ġenwin u kważi dejjem aċċettaw ir-​rivisti.”

⁴ Waħda mara li kienet taħdem f’kumpanija tal-​propjetà immobbli stiednet lix-​Xhieda fl-​uffiċċju tagħha. Hi aċċettat ir-​rivisti u esprimiet interess f’li jkollha studju tal-​Bibbja. Ġiet murija l-​ktieb Għarfien, u nbeda studju dak il-​ħin stess, sewwa sew fl-​uffiċċju tagħha!

⁵ L-​inkarigu li taħdem it-​territorju tiegħek bir-​reqqa jinkludi li żżur individwi li jħaddmu negozji f’inħawi residenzjali. (Atti 10:42) Ippjana li żżur dawn il-​postijiet l-​istess bħalma tagħmel fid-​djar privati. Permezz taʼ dan mhux biss se tkopri tajjeb it-​territorju tiegħek imma tistaʼ tiġi ppremjat b’xi esperjenzi pjaċevoli!