Strieħ Fuq Jehovah Biex Ikabbar

¹ “esperjenzajt Għall-​ewwel Darba L-​ferħ Uniku Taʼ Li Ngħin Biex Tiġi Stabbilita Kongregazzjoni Ġdida. Dan Ħadli Iktar Minn Sentejn Sħaħ Taʼ Xogħol Bieżel, Talb Kontinwu U Serħan Fuq Jehovah Li ‘Jkabbar.’” Hekk Kiteb Pijunier Kuxjenzjuż Li Tgħallem Li Għandu Bżonn Jistrieħ Fuq Jehovah Għat-​tkabbir. (1 Kor. 3:​5-9) Fit-​tfittxija Tagħna Għal Nies Inklinati Spiritwalment, Aħna Wkoll Għandna Bżonn L-​appoġġ T’alla Jekk Il-​ministeru Tagħna Rriduh Jagħti L-​frott.​—Prov. 3:​5, 6.

² It-​Tkabbir Jeħtieġ L-​Ikkultivar: Iż-​żerriegħa tal-​verità trid tiġi kkultivata jekk irriduha tikber. Li nerġgħu mmorru fi żmien ġurnata jew tnejn mill-​ewwel żjara taʼ spiss jipproduċi riżultati tajbin. Kun dħuli u minn tagħna. Serraħ moħħ il-​persuna l-​oħra. Titkellimx int il-​ħin kollu. Agħtiha ċans issir tafek, u uriha li int interessata fiha bħala persuna.

³ Matul Lulju u nibqgħu sejrin tul Awissu, qegħdin nikkonċentraw fuq li noffru varjetà taʼ brochures lin-​nies li niltaqgħu magħhom. Madankollu, hemm bżonn ukoll li nibnu fuq l-​interess li nsibu u kulfejn inkunu ħallejna xi letteratura. Dan nagħmluh bi żjajjar lura u billi noffru studji tal-​Bibbja. (Matt. 28:​19, 20) Għal dan l-​għan, jistaʼ jintuża l-​brochure X’Jirrikjedi biex nibdew studji. Forsi se ssib dawn l-​erbaʼ suġġerimenti li ġejjin t’għajnuna.

⁴ Jekk tkellimt maʼ xi ħadd li kien imħasseb dwar fejn se tasal id-​dinja, tistaʼ ġġedded il-​konversazzjoni billi tgħid:

◼ “Naħseb li tinsab imħasseb daqsi dwar il-​kollass morali tas-​soċjetà umana. Nisimgħu rapporti tal-​biżaʼ dwar vjolenza domestika, li tirriżulta f’abbuż fuq it-​tfal, il-​ġenituri, u l-​imseħbin fiż-​żwieġ. U milli jidher ħafna nies ma joqogħdux jaħsbuha biex jigdbu jew jisirqu ħalli jissodisfaw ix-​xewqat tagħhom stess. Taħseb int li tagħmel xi differenza għal Alla kif in-​nies jgħixu ħajjithom? [Ħalli ħin għal tweġiba.] Alla stabbilixxa ċerti livelli biex il-​bniedem iżomm magħhom, u dawn verament m’humiex taʼ piż għalina.” Aqra 1 Ġwann 5:3. Imbagħad ippreżenta l-​brochure X’Jirrikjedi, u iftħu f’lezzjoni 10. Aqra l-​ewwel paragrafu. Uri l-​kliem u l-​frażijiet fil-​korsiv fil-​bidu taʼ paragrafi 2-6, u staqsi lill-​inkwilin liema minn dawn il-​prattiċi jħoss li hija l-​iktar waħda taʼ ħsara lis-​soċjetà. Aqra l-​paragrafu relatat u fittex xi waħda jew tnejn mill-​iskritturi skond ma jippermetti l-​ħin. Agħlaq billi taqra paragrafu 7, u mbagħad agħmel arranġamenti biex terġaʼ tmur għal diskussjoni oħra.

⁵ Lil dawk li tkun iltqajt magħhom u li jkunu interessati fil-​familja, tistaʼ tgħidilhom xi ħaġa hekk:

◼ “Taħseb li huwa raġonevoli li nistennew li l-​Ħallieq għandu jagħtina l-​għodda meħtieġa biex nibnu ħajja tal-​familja li tkun taʼ suċċess?” Ħalli ħin għal tweġiba. Introduċi l-​brochure X’Jirrikjedi, mur f’lezzjoni 8, u spjega li din fiha prinċipji mill-​Bibbja għal kull membru tal-​familja. Offrilu li turih kif jistaʼ juża l-​brochure flimkien mal-​Bibbja biex jikseb l-​akbar benefiċċju minnu. Segwi l-​istruzzjonijiet li hemm f’paġna 2 tal-​brochure. Agħmel arranġamenti biex terġaʼ tmur ħalli tkomplu l-​istudju tal-​lezzjoni, jew jekk lesta, biex tistudjaw lezzjoni oħra li l-​inkwilin jagħżel mill-​brochure.

⁶ Din hija introduzzjoni diretta li tistaʼ tuża biex toffri l-​programm tagħna taʼ studju mill-​Bibbja. Uri l-​brochure “X’Jirrikjedi,” u għid:

◼ “Dan il-​brochure fih kors taʼ studju komprensiv li jkopri t-​tagħlim bażiku tal-​Bibbja. F’kull paġna, se ssib tweġibiet għal mistoqsijiet li ħawdu lin-​nies għal sekli sħaħ. Per eżempju, X’inhu l-​iskop t’Alla għall-​art?” Mur f’lezzjoni 5, u aqra l-​mistoqsijiet fil-​bidu tal-​lezzjoni. Staqsi lill-​inkwilin liema waħda tinteressah l-​iktar, u mbagħad aqra l-​paragrafu jew paragrafi li jwieġbu l-​mistoqsija, fil-​waqt li tfittex xi skritturi addattati. Spjega kif it-​tweġibiet sodisfaċenti għall-​mistoqsijiet l-​oħrajn jistgħu jinstabu daqstant faċilment. Issuġġerixxi li terġaʼ tmur biex tiddiskutu mistoqsija u tweġiba oħra.

⁷ Jew forsi tippreferi tuża metodu iktar sempliċi biex tibda studju tal-​Bibbja billi tgħid:

◼ “Kont taf li fi ftit minuti biss, tistaʼ ssib it-​tweġiba għal mistoqsija Biblika importanti? Per eżempju, . . .” Imbagħad semmi xi mistoqsija li tidher fil-​bidu taʼ waħda mil-​lezzjonijiet fil-​brochure, xi waħda li taħseb li tappella lill-​individwu. Għal xi ideat dwar liema mistoqsijiet tistaʼ tuża, ara paragrafi 15 u 16 fl-​insert taʼ Il-​Ministeru Tas-​Saltna taʼ Marzu 1997, intitolata: “Kun Qalbieni F’Li Tagħmel Żjajjar Lura.”

⁸ Li bil-​ferħa naċċettaw l-​isfida taʼ li nagħmlu żjajjar lura u li nikkonduċu studji tal-​Bibbja huwa parti milli nkunu “ħaddiema maʼ” Alla. (1 Kor. 3:9) Hekk kif naħdmu iebes biex nikkultivaw l-​interess li nsibu u mbagħad nistrieħu fuq Jehovah biex jikbru l-​affarijiet, se nesperjenzaw il-​veru sodisfazzjon li l-​ebda xogħol ieħor ma jistaʼ jġib.